•នៅវេលាម៉ោង​៤:៥៣នាទីព្រឹក​ ថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ព.ស. ២៥៧០​ត្រូវនឹង ថ្ងៃទី​២៧ ខែតុលា ឆ្នាំ២០២៦​ លោកឧត្ដមសេនីយ៍ត្រី​ ឯក​ សាលួត​ អតីត​ស្នងការ​រង​ នគរបាល​ខេត្ត​កំពង់​ស្ពឺ​ ទទូ​ល​ផែនការ​ងារ​អន្ដោប្រវេសន៍​ នៃស្នងការដ្ឋាននគរ​បា​លខេត្ដកំពង់ស្ពឺ​ បានទទួល​មរណភាព​នៅមន្ទីរពេទ្យ​ដោយរោគាពាធ​ ក្នុងជន្មាយុ​ ៦១ឆ្នាំ​ ។

កំពង់ស្ពឺ÷ បើយោងតាម facebook ផ្លូវការរបស់លោក ចឹក បូរិន ប្រធានមន្ទីរការងារ បណ្ដុះបណ្ដាលវិជ្ជាជីវៈខេត្តកំពង់ស្ពឺបានឲ្យដឹងថា÷ នៅរសៀលថ្ងៃទី២៦ ខែតុលា ឆ្នាំ២០២៦ មានករណីឆាបឆេះទីតាំងស្តុកក្រណាត់ក្នុងឃ្លាំង នៅរោងចក្រមួយកន្លែងនៅស្រុកសំរោងទង។ អ្វីដែលខ្ញុំកត់សម្គាល់នោះគឺ ការសាមគ្គីភាពគ្នារបស់កម្មករនិយោជិត ការយកអាសារគ្នា នឹងទឹកចិត្តដ៏ល្អរបស់ បងប្អូនកម្មករនិយោជិត នៅរោងចក្រនេះផ្ទាល់ ចឹងហើយទើបយើងតែងតែលឺពាក្យមួយឃ្លាថា "កន្លែងធ្វើការងារគឺជាផ្ទះរបស់យើងទាំងអស់គ្នា"។

(៣) អ្នកសារព័ត៌មាន និងអាជ្ញាធរមានសមត្ថកិច្ច ជាដៃគូក្នុងបុព្វហេតុការពិត និងព័ត៌មានសាធារណៈ! ខ្ញុំសូមអបអរសាទរដល់បងប្អូនអ្នកសារព័ត៌មាន និងកម្លាំងសមត្ថកិច្ចដែលបានចូលរួមយ៉ាងសកម្មក្នុងការផ្តល់ព័ត៌មានជូនដល់ប្រជាពលរដ្ឋបានទាន់ពេលវេលា និងគ្រប់ទីកន្លែង។

នៅរសៀលថ្ងៃចន្ទ ទី២៦ ខែតុលា ឆ្នាំ២០២៦ តាមការចង្អុលបង្ហាញដ៏ខ្ពង់ខ្ពស់របស់ ឯកឧត្តមហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ឯកឧត្តមបណ្ឌិត ហេង សុខគង់ បានដឹកនាំក្រុមការងារសម្របសម្រួលវិស័យសុខាភិបាលខេត្តកំពង់ស្ពឺ រួមជាមួយសហការី និងលោកស្រីវេជ្ជបណ្ឌិត ស៊ីន សុភាព ប្រធានការិយាល័យសុខាភិបាលស្រុកប្រតិបត្តិកំពង់ស្ពឺ តំណាងលោកវេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ អញ្ជើញចុះសួរសុខទុក្ខលោក ហេង សុធា ប្រធានផ្នែកគណនេយ្យ នៃការិយាល័យសុខាភិបាលស្រុកប្រតិបត្តិកំពង់ស្ពឺ ដែលកំពុងសម្រាកព្យាបាលជំងឺបេះដូងនៅអគារជំងឺបេះដូង បន្ទប់លេខ៣០៤ ជាន់ទី៣ នៃមន្ទីរពេទ្យមិត្តភាពខ្មែរ-សូវៀត។

កំពង់ស្ពឺ÷ គិតត្រឹមម៉ោង ៧:៣០នាទីយប់ ស្ថានភាពអគ្គិភ័យឆាបឆេះអគារស្តុកក្រណាត់ និងវត្ថុធាតុដើម ទំហំ 40 m X 80m នៅក្រុមហ៊ុន វ៉ាយ ធី ស៊ី ខបប៉ូរេសិនត្រូវបានពន្លត់ទាំងស្រុង។ សូមអរគុណ កងកម្លាំងបង្ការពន្លត់អគ្គិភ័យ អជ្ញាធរមានសមត្ថកិច្ច និងជាពិសេសបងប្អូនកម្មករ និយោជិតទាំងអស់ ដែលបានរួមដៃគ្នាទប់ស្កាត់មិនអោយរាលដាលដល់អគារ ៤ ផ្សេងទៀត។ ⏩️ ថ្ងៃស្អែក ក្រុមអន្តរាគមន៍ដោះស្រាយ ក្រសួង មន្ទីរការងារខេត្ត នឹងចុះមកពិនិត្យ និងពិភាក្សាជាមួយតំណាងក្រុមហ៊ុនចំពោះការរៀបចំដំណើរការឡើងវិញ សូមបងប្អូនកុំមានការព្រួយបារម្មណ៍🙏។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោក អោក សារិន សមាជិកក្រុមប្រឹក្សាឃុំ តំណាងលោកមេឃុំព្រះនិព្វាន្ត និងក្រុមការងារឃុំ បាននាំយកសម្ភារ និងថវិកាសួរសុខទុក្ខគ្រួសារក្រីក្រមានជីវភាពខ្វះខាតចំនួន ២គ្រួសារ រួមមាន ១.ឈ្មោះ ម៉ុក ម៉េង (ប្រុស អាយុ ៥៣ឆ្នាំ) និង ២.ឈ្មោះ មឿង ម៉ុត (ស្រី អាយុ ៦៧ឆ្នាំ) នៅភូមិគរ ឃុំព្រះនិព្វាន្ត ដោយក្នុងមួយគ្រួសារៗទទួលបាន៖ អង្ករ ១០គីឡូក្រាម, មី ១កេស, ទឹកត្រី ១យួរ, ទឹកស៊ីអ៊ីវ ១យួរ, សាប៊ូ ២ដុំ និងថវិកា ៥០,OOOរៀល។ ទន្ទឹមនឹងនោះ លោក ខៀវ ស៊ីផា សមាជិកក្រុមប្រឹក្សាឃុំ តំណាងលោកមេឃុំព្រះនិព្វាន្ត ក៏បាននាំយកថវិការបស់រដ្ឋបាលឃុំទៅចូលរួមបុណ្យសពប្រជាពលរដ្ឋចំនួន ២គ្រួសារ រួមមាន៖ គ្រួសារសពលោក ហែម វ៉ាត (ភូមិកញ្ច្រប់) ចំនួន ៤០០,OOOរៀល និងគ្រួសារសពលោក ម៉ៅ សុផាត (ភូមិភានសា) ចំនួន ៤០០,OOOរៀល សរុបថវិកាចូលរួមបុណ្យចំនួន ៨០០,OOOរៀល ផងដែរ។