កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១៤ ខែតុលា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី១៥ ខែតុលា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៧.៣០ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
ខេត្តកំពង់ស្ពឺ៖ នារសៀលថ្ងៃពុធ ៣កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែតុលា ឆ្នាំ២០២៦ ឯកឧត្ដម ឈួរ សុបញ្ញា រដ្ឋលេខាធិការក្រសួងធម្មការ និងសាសនា បានដឹកនាំក្រុមការងារចុះផ្ទាល់ដើម្បីនាំយកសាររំលែកទុក្ខយ៉ាងក្រៀមក្រំ និងការចូលរួមរំលែកទុក្ខពីឯកឧត្តមប្រធាន ជូនចំពោះគ្រួសារសព លោក សាយ ស៊ីម ដែលបានទទួលមរណភាពកាលពីថ្ងៃទី២៩ ខែកញ្ញា ឆ្នាំ២០២៦ កន្លងទៅ ស្ថិតនៅសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
ខេត្តកំពង់ស្ពឺ៖ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការ និងសាសនា នារសៀលថ្ងៃពុធ ៣កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែតុលា ឆ្នាំ២០២៦ និងក្រុមការងារបានអញ្ជើញចូលរួមក្នុងកម្មវិធីសាសនា ដោយបានប្រគេនបណ្ណសរសើរដល់សមណសិស្ស ព្រមទាំងប្រគេនទេយ្យវត្ថុដល់ព្រះសង្ឃ និងចែកអំណោយជូនប្រជាពលរដ្ឋចំណុះជើងវត្តភ្នំកំប៉ូត សរុបចំនួន ៤៥០រូប ស្ថិតនៅក្រុងច្បារមន ខេត្តកំពង់ស្ពឺ។
កាលពីថ្ងៃទី១០ ខែតុលា ឆ្នាំ២០២៦ សារព័ត៌មានថៃឈ្មោះ Top News បានចេញផ្សាយកិច្ចសម្ភាសន៍ជាមួយលោក Nantiwat Samart អតីតអនុប្រធានការិយាល័យស៊ើបការណ៍សម្ងាត់ជាតិ និងជាអតីតលេខារដ្ឋមន្ត្រីក្រសួងការបរទេសថៃ ដោយលោកបានអះអាងថា៖ «កាលពី ២-៣ថ្ងៃមុន លោក សម រង្ស៊ី មេដឹកនាំប្រឆាំងកម្ពុជាបានចេញមកអះអាងថា កងកម្លាំងកម្ពុជាជាភាគីបាញ់ប្រហារថៃមុន ហើយដែលនាំឱ្យថៃតបតវិញ»។ ព័ត៌មាននេះ ក៏ត្រូវបានអ្នកលេងបណ្តាញសង្គមលើកយកមកផ្សាយ និងធ្វើអត្ថាធិប្បាយយ៉ាងច្រើន។
កំពង់ស្ពឺ÷ នៅព្រឹកថ្ងៃទី១៥ ខែតុលា ឆ្នាំ២០២៦ * បើកទ្វារទ្វារទឹកទំនប់តាសាល ពីរទ្វារ ១=០,៥០ ម៉ែត្រ ;១=០,៥០ ម៉ែត្រ *បើកទ្វារទឹករលាំងជ្រៃ ប្រាំ ទ្វារកម្ពស់ ១=៤,០០ ម៉ែត្រ; ២=៣,៥០ ម៉ែត្រ; ២=១,០០ ម៉ែត្រ
