កំពង់ស្ពឺ៖ ថ្ងៃទី០៧ ខែតុលា ឆ្នាំ២០២៦ ក្រុមប្រឹក្សាខេត្តកំពង់ស្ពឺ បានបើកកិច្ចប្រជុំសាមញ្ញលើកទី២៩ អាណត្តិទី៤ របស់ខ្លួន ក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ព្រមទាំងសមាជិកក្រុមប្រឹក្សាខេត្ត គណៈអភិបាលរងខេត្ត ប្រធាន អនុប្រធានមន្ទីរ អង្គភាពជុំវិញខេត្ត និងតំណាងកងកម្លាំងប្រដាប់អាវុធពាក់ព័ន្ធជាច្រើនរូប។

‎​(កំពង់ស្ពឺ)៖ ថ្ងៃទី៦ ខែតុលា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ អញ្ជើញជាអធិបតីភាពក្នុងពិធីសំណេះសំណាល និងប្រគល់សម្ភារ បរិក្ខារ និងថវិកា របស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ជូនដល់គ្រួសារវីរកងទ័ពដែលកំពុងឈរជើងការពារទឹកដីនៅបន្ទាត់ព្រំដែន ចំនួន ២៧៧គ្រួសារ រស់នៅក្នុងសង្កាត់ទាំង៥ នៃក្រុងច្បារមន ខេត្តកំពង់ស្ពឺ ដោយក្នុងមួយគ្រួសារៗទទួលបានថវិកាចំនួន ១០ម៉ឺនរៀល ព្រមទាំងសម្ភារ បរិក្ខារមួយចំនួនទៀត។ ​ពិធីនេះអញ្ជើញចូលរួមពីសំណាក់ ឯកឧត្តមប្រធានក្រុមប្រឹក្សាខេត្ត លោក-លោកស្រីប្រធានមន្ទីរ-អង្គភាពជុំវិញខេត្ត កងកម្លាំងប្រដាប់អាវុធទាំង៣ ព្រមទាំងអាជ្ញាធរដែនដីគ្រប់លំដាប់ថ្នាក់។

កំពង់ស្ពឺ÷ ថ្ងៃអង្គារ១០រោចខែភទ្របទឆ្នាំមមី អដ្ឋស័ក ព.ស ២៥៧០ត្រូវនឹងថ្ងៃទី០៦ខែតុលាឆ្នាំ២០២៦ នៅសាលាឃុំស្គុះ ស្រុកសំរោងទង បានរៀបចំពិធីសំណេះសំណាលដើម្បីប្រគល់សម្ភារ បរិក្ខា និងថវិការបស់ឯកឧត្ដម ហ៊ុន ម៉ានី ប្រធានក្រុមការងា រចុះមូលដ្ឋានខេត្តកំពង់ស្ពឺ ជូនគ្រួសារកងទ័ពដែលកំពង់ឈរជើងនៅបន្ទាត់ព្រំដែនចំនួន ៤០គ្រួសារ ក្នុងនោះទទួលពីស្រុកចំនួន៣៧ គ្រួសារ លោកជំទាវប្រធានបន្ថែម ៣ គ្រួសារ (ទើបបញ្ជូនទៅសមរភូមិបន្ថែម) អញ្ជើញជាអធិបតី លោកជំទាវ ប៊ុន ពុទ្ធី រដ្ឋលេខាធិការក្រសួងកិច្ចការនារី អនុប្រធានក្រុមការងារ ចុះជួយឃុំស្គុះ តំណាងដ៏ខ្ពង់ខ្ពស់លោកជំទាវខេង សំវ៉ាដា សមាជិការរដ្ឋសភា អនុប្រធានគណៈកម្មការទី៧ នៃរដ្ឋសភា និងជាប្រធានក្រុមការងារចុះជួយស្រុកសំរោងទង/ឃុំស្គុះ រដ្ឋលេខាធិការ អនុរដ្ឋលេខាធិការក្រសួងកិច្ចការនារីនិងជាក្រុមការងារចុះជួយឃុំស្គុះ អញ្ជើញជាកិត្តិយសមាន -លោកជំទាវ ឡុង សុផល្លី រដ្ឋលេខាធិការក្រសួងកិច្ចការនារី និងលោកជំទាវ អនុរដ្ឋលេខាធិការក្រសួងកិច្ចការនារី ព្រមទាំងក្រុមការងារថ្នាក់ខេត្ត ស្រុក ឃុំ សរុបចំនួន ៦៣ នាក់ ( ស្រី៣៩ )នាក់ ។

កំពង់ស្ពឺ÷ នាព្រឹកថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦​ លោក​ សុខ​ សយ​ ប្រធានក្រុមប្រឹក្សាក្រុង​ និងលោក​ ព្រាប​ កុយវឌ្ឍន:​ អអភិបាលនៃគណ:អភិបាលក្រុងឧដុង្គម៉ែជ័យ​ បានអញ្ជេីញចូលរួមពិធីសំណេះសំណាល និងប្រគល់សម្ភារបរិក្ខា និងថវិការបស់​ ឯកឧត្តម ហ៊ុន​ ម៉ានី ឧបនាយករដ្ឋមន្ត្រី​ រដ្ឋមន្ត្រីក្រសួងមុខងារសាធារណ:​ ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តកំពង់ស្ពឺ ជូនដល់គ្រួសារកងទ័ព​ ដែលកំពុងឈរជើងនៅបន្ទាត់ព្រំដែន​ ក្រោមអធិបតីភាព​ ឯកឧត្ដម​ លី​ សុន​ អនុប្រធានក្រុមការងារចុះជួយមូលដ្ឋានខេត្តកំពង់ស្ពឺ​ ប្រធានក្រុមការងារចុះជួយមូលដ្ឋានក្រុងឧដុង្គម៉ែជ័យ​ តំណាងដ៏ខ្ពង់ខ្ពស់​ ឯកឧត្តម ហ៊ុន​ ម៉ានី ឧបនាយករដ្ឋមន្ត្រី​ រដ្ឋមន្ត្រីក្រសួងមុខងារសាធារណ:​ ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តកំពង់ស្ពឺ។

កំពង់ស្ពឺ÷នៅព្រឹកថ្ងៃចន្ទ ទី៥ ខែតុលា ឆ្នាំ២០២៦  នេះក្រោមពាក្យស្លោកចូលរួមសប្បាយរីករាយជាមួយក្រុមគ្រួសារ 🙏“ ប៉ាម៉ានី “🙏ក្រុមការងារសម្របសម្រួលការងារវិស័យសុខាភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី  និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ។

កំពង់ស្ពឺ÷រសៀលថ្ងៃអាទិត្យ ទី ០៤ ខែតុលា ឆ្នាំ២០២៦​ លោកជំទាវ បណ្ឌិត ដាំ ដារីនី អនុប្រធានទី១ ចុះមូលដ្ឋានស្រុកបសេដ្ឋ និងជាប្រធានក្រុមការងារថ្នាក់កណ្តាលចុះមូលដ្ឋានឃុំបសេដ្ឋ  បាននាំទេយ្យទាន និងច្ច័យប្រគេនព្រះសង្ឃ​ យាយជី​ តាជី​ និងពុទ្ធបរិស័ទចំណុះជើងវត្ត សរុប​ចំនួន​១០០នាក់ នៅវត្តចំបក់​ ខេត្តកំពង់ស្ពឺ។សរុបជាថវិកាចំនួន ៣៨០០០០០ រៀល។