កំពង់ស្ពឺ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កាលពីយប់ថ្ងៃទី០៣ ខែវិច្ឆិកា ឆ្នាំ២០២៦ កម្លាំងមូលដ្ឋានកងរាជអាវុធហត្ថក្រុងឧដុង្គម៉ែជ័យ និងកម្លាំងមូលដ្ឋានកងរាជអាវុធហត្ថស្រុកសាមគ្គីមុនីជ័យ បានធ្វើការចុះល្បាត ការពារ បង្ការ ទប់ស្កាត់ បង្ក្រាប រាល់បទល្មើសនានា ក្មេងទំនើង ករណីគ្រឿងញៀន ចោរកម្ម ឧបទ្ទវហេតុផ្សេងៗ និងសង្គ្រោះបន្ទាន់ ដែលអាចកើតមានឡើងនៅក្នុងភូមិសាស្ត្រក្រុង-ស្រុក ដើម្បីការពារ សន្តិសុខ សុវត្ថិភាព និងរក្សាសណ្តាប់ធ្នាប់ ជូនបងប្អូនប្រជាពលរដ្ឋក្នុងមូលដ្ឋាន ៕

ខេត្តកំពង់ស្ពឺ៖ នៅថ្ងៃទី០៥ ខែវិច្ឆិកា ឆ្នាំ២០២៦ រដ្ឋបាលខេត្តកំពង់ស្ពឺ បានរៀបចំកិច្ចប្រជុំសាមញ្ញលើកទី ៣០ អាណត្តិទី ០៤ របស់ក្រុមប្រឹក្សាខេត្តក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត លោក សុខ សុទ្ធី អភិបាលរង នៃគណៈអភិបាលខេត្ត ព្រមទាំងលោកនាយករដ្ឋបាលក្រុងស្រុក លោកលោកស្រីប្រធាន អនុប្រធានមន្ទីរជុំវិញខេត្ត កងកម្លាំងទាំង៣ ក៏មានវត្តមានក្នុងកិច្ចប្រជុំនោះផងដែរ។

មន្ទីរពេទ្យជោរី៖ នៅព្រឹកថ្ងៃពុធ ៩រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែវិច្ឆិកា ឆ្នាំ២០២៦ ឯកឧត្តម ឈួរ សុបញ្ញា សមាជិកយុវជនគណបក្សថ្នាក់កណ្តាល និងជាប្រធានយុវជនគណបក្សក្រសួងធម្មការ និងសាសនាបានអញ្ជើញចុះសួរសុខទុក្ខលោកឪពុករបស់លោក ទូច ម៉ៃ អគ្គនាយករងនៃអគ្គនាយកដ្ឋានកិច្ចការសាសនា និងជាសមាជិកយុវជនគណបក្សក្រសួងធម្មការ និងសាសនា ដែលកំពុងសម្រាកព្យាបាលជំងឺនៅមន្ទីរពេទ្យជោរី។សកម្មភាពនេះបានជាស្មារតីសាមគ្គីភាព ការយកចិត្តទុកដាក់ និងការចែករំលែកក្តីបារម្ភរបស់យុវជនគណបក្សចំពោះសមាជិក និងក្រុមគ្រួសារ ព្រមទាំងឆ្លុះបញ្ចាំងពីការរក្សាចំណងសាមគ្គីភាព និងការគាំទ្រគ្នាទៅវិញទៅមកក្នុងក្របខ័ណ្ឌអង្គភាព។ ក្នុងឱកាសនោះ ឯកឧត្តមបានពាំនាំនូវការផ្តាំផ្ញើសួរសុខទុក្ខ និងការយកចិត្តទុកដាក់ពីសំណាក់ឯកឧត្តម ចាយ បូរិន ប្រធានគណៈកម្មាធិការគណបក្ស ព្រមទាំងថ្នាក់ដឹកនាំយុវជនក្រសួងធម្មការ និងសាសនា ជូនចំពោះលោកតា និងក្រុមគ្រួសារ ព្រមទាំងបានសម្តែងនូវក្តីបារម្ភ និងការលើកទឹកចិត្តក្នុងអំឡុងពេលសម្រាកព្យាបាល។

ខេត្តកំពង់ស្ពឺ៖ ក្នុងនាមជាសេនាធិការ និងជាអ្នកនៅជិតស្និទ្ធនឹងប្រជាពលរដ្ឋ នៅថ្ងៃពុធ ៩រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែវិច្ឆិកា ឆ្នាំ២០២៦ នេះ លោកជំទាវ ទឹម សាវ៉ាត ទីប្រឹក្សាសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមការងារចុះជួយឃុំភ្នំតូច ព្រមទាំងសហការី បាននាំយកអំណោយជាគ្រឿងឧបភោគបរិភោគ និងថវិកា ទៅចែកជូនដល់គ្រួសារងាយរងគ្រោះចំនួន ១០គ្រួសារ ដើម្បីជួយសម្រាលការលំបាកក្នុងជីវភាពរស់នៅប្រចាំថ្ងៃ។

(👮កំពង់ស្ពឺ)÷ នាព្រឹកថ្ងៃទី៤​ ខែវិច្ឆិកាឆ្នាំ២០២៦ នៅស្នងការដ្ឋាននគរបា​លខេត្តកំពង់ស្ពឺ​ លោកវរសេ​នី​​យ៍ឯ​ក ហុក អេងជាង ស្នងការរង​ទទួលផែនការងារធនធា​នមនុស្ស តំណា​ងដ៏ខ្ពង់​ខ្ពស់លោកឧត្តមសេ​នីយ៍ទោ ឃឹម សុកខៃ ស្នងការនគរបាលខេត្ត បានទទួលជួបសំ​ណេះសំណាលជាមួយនិស្សិតថ្នាក់បរិ​ញ្ញាបត្រជំនា​ន់ទី១៥ ទី១៦ ចំនួន​១០​នាក់​ នៃបណ្ឌិ​ត្យសភានគរបាលក​ម្ពុជា។

ព្រឹកថ្ងៃពុធ ៩រោច ខែអស្សុជ ឆ្នាំមមី អដ្ឋស័ក ព.ស.២៥៧០ មន្ទីរគណបក្សខេត្ត,ថ្ងៃទី០៤ ខែវិចិ្ឆកា ឆ្នាំ២០២៦ - - - - - - - - - - - - - - - - - - - - - - - - - - - - - - - - - - ឯកឧត្តម យឹម សុខុម សមាជិកគណៈកម្មាធិការកណ្តាល ប្រធានស្តីទីគណៈកម្មាធិការគណបក្សខេត្ត ឯកឧត្តម អ៉ិន ឃុន សមាជិកគណៈកម្មាធិការកណ្តាល អនុប្រធានគណៈកម្មាធិការគណបក្សខេត្ត អញ្ជើញដឹកនាំកិច្ចប្រជុំត្រួតពិនិត្យអំពីការជំរុញការធ្វើបច្ចុប្បន្នភាពជីវមាត្រ, ត្រួតពិនិត្យអំពី ការត្រៀមលក្ខណៈក្នុងការបោះឆ្នោតស្ទាបស្ទង់មតិ និងការរៀបចំ “គោលនយោបាយ អភិវឌ្ឍន៍ ឃុំ សង្កាត់ ឆ្នាំ២០២៧-២០៣២ របស់ឃុំ សង្កាត់ នៃក្រុង ស្រុកទូទាំងខេត្ត។