កម្មវិធី ទទក ព័ត៌មានពេលព្រឹក ម៉ោង៦:៣០នាទី (ថ្ងៃអង្គារ ៩កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែតុលា ឆ្នាំ២០២៦)
កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១៩ ខែតុលា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២០ ខែតុលា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៧.០៤ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
កំពង់ស្ពឺ÷ នារសៀលថ្ងៃចន្ទ ៨កេីត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ លោក យឹម ណន ប្រធានមន្ទីរ បានដឹកនាំថ្នាក់ដឹកនាំ និងមន្រ្តីរាជការ ចូលរួមអមដំណេីរឯកឧត្តម ប៊ិន សារ៉េត អតីតប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ អញ្ជេីញសួរសុខទុក្ខលោក លឹម គឹមឡុង អតីតប្រធានការិយាល័យរដ្ឋបាល-បុគ្គលិក ដែលមានជំងឺកំពុងសម្រាកព្យាបាលនៅគេហដ្ឋាន ស្ថិតនៅភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន។ ក្នុងនាមថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ សូមជូនលោក មានសុខភាពល្អបរិបូរណ៍ និងឆាប់ជាសះស្បេីយពីជំងឺ🙏
រសៀលថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី១៩ ខែតុលា ឆ្នាំ២០២៦ លោក ហន ពិសិដ្ឋ អភិបាលស្រុកគង់ពិសី ជាមួយ លោក កង សំណាង អភិបាលរងស្រុក មន្ត្រីជំនាញស្រុកឃុំ បានចុះទីតាំងស្ពាន ០៦ កន្លែង ដែលរងប៉ះពាល់ទឹកជំនន់ ក្នុងនោះឃុំស្នំក្រពើ ចំនួន ០៤ កន្លែង ឃុំព្រៃវិហារចំនួន ០២ កន្លែង ក្នុងគោលបំណង ស្វែងរកដំណោះស្រាយ ជូនបងប្អូនប្រជាពលរដ្ឋក្នុងការដោះស្រាយជូនបងបងប្អូនប្រជាពលរដ្ឋក្នុងមូលដ្ឋានយើង ពិសេសបងប្អូនកម្មករនិយោជិត ។ សូមបងប្អូនមេត្តាអត់ធ្មត់ រដ្ឋបាលស្រុករួមគ្នាជាមួយថ្នាក់ដឹកនាំយើងកំពុងដោះស្រាយជូនហើយ ដោយរង់ចាំស្ថានភាពទឹកស្រកជាងនេះបន្តិច ។
កំពង់ស្ពឺ÷ ថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ -ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងារចុះមូលដ្ឋានស្រុកគងពិសី អញ្ជើញអមដំណើរដោយលោក ហន ពិសិដ្ឋ ប្រធានគណបក្សស្រុក លោក មែន ពុំ អនុប្រធានគណបក្សស្រុក និងថ្នាក់ដឹកនាំស្រុក ឃុំ បានគោរពអញ្ជើញចូលរួមរំលែកទុក្ខបុណ្យសពឧបាសិកា ពុធ វ៉ែន ភេទស្រី អាយុ ៩៥ឆ្នាំ ទទួលមរណភាព ដោយរោគាពាធ សពត្រូវជាម្តាយក្មេកលោក ណុប សុខ មេឃុំពេជ្រមុនី ស្ថិតនៅភូមិពន្លឺខែ ឃុំពេជ្រមុនី ស្រុកគងពិសី ខេត្តកំពង់ស្ពឺ។ សម្ភារៈរួមមាន៖ អង្ករ ៥០គីឡូក្រាម មី ២កេស ទឹកត្រី ១យួរ ទឹកស៊ីអ៊ីវ ១យួរ ទឹកសុទ្ធ ១កេស និងថវិកាសរុប ៩០០,០០០រៀល។ ក្នុងនោះថវិកាឯកឧត្តម ជួន វន ៥០០,០០០រៀល គណបក្សស្រុក សម្ភារៈនិងថវិកាចំនួន ៤០០,០០០រៀល។
