ឯកឧត្តម គួច ចំរើន បានជំរុញដល់កងកម្លាំងមានសមត្ថកិច្ចគ្រប់លំដាប់ថ្នាក់ ត្រូវបន្តពង្រឹងសន្តិសុខ សណ្ដាប់ធ្នាប់សាធារណៈ និងការបង្ការទប់ស្កាត់បទល្មើសគ្រប់ប្រភេទ ជាពិសេស បទល្មើសឆបោកតាមប្រព័ន្ធអនឡាញ (Online Scam) ដែលកំពុងមានការវិវត្ត និងផ្លាស់ប្តូររូបភាពយ៉ាងឆាប់រហ័ស។

រដ្ឋបាលស្រុកអង្គស្នួល រៀបចំសិក្ខាសាលាសមាហរណកម្មកម្មវិធីវិនិយោគ ៣ឆ្នាំរំកិល ដើម្បីជំរុញការអភិវឌ្ឍមូលដ្ឋានឱ្យចំតម្រូវការប្រជាពលរដ្ឋ

ឯកឧត្តម ប៊ុន ផេង បានលើកឡើងថា សិក្ខាសាលានេះ គឺជាវេទិកាសំខាន់សម្រាប់ផ្សារភ្ជាប់តម្រូវការអភិវឌ្ឍន៍នៅមូលដ្ឋាន ជាមួយផែនការ និងលទ្ធភាពគាំទ្ររបស់មន្ទីរ អង្គភាព អង្គការដៃគូអភិវឌ្ឍន៍ និងសប្បុរសជន ដើម្បីធានាថាគម្រោងអភិវឌ្ឍន៍ឆ្លើយតបបានចំគោលដៅ និងផ្តល់ផលប្រយោជន៍ជាក់ស្តែងដល់ប្រជាពលរដ្ឋ។

ឯកឧត្តម នុត ពុធដារ៉ា អភិបាលរងខេត្តកណ្តាល បានមានប្រសាសន៍ថា ចាប់តាំងពីមានកំណែទម្រង់វិមជ្ឈការ និងវិសហមជ្ឈការ សិក្ខាសាលាសមាហរណកម្ម កម្មវិធី វិនិយោគ៣ឆ្នាំរំកិលឃុំ ស្រុក នៅថ្នាក់ស្រុក ចំនួនគម្រោងដែលស្នើឡើងក្នុងកម្មវិធីវិនិយោគ៣ឆ្នាំរំកិល ឃុំ ស្រុក ទទួលបានគាំទ្រជាបន្តបន្ទាប់ពីរដ្ឋបាលខេត្ត មន្ទីរជំនាញជុំវិញខេត្ត សប្បុរសជននិងអង្គការនានា ធ្វើឱ្យជីវភាពរស់នៅរបស់ប្រជាជន នៅមូលដ្ឋានកាន់តែប្រសើរឡើង។

រដ្ឋបាលខេត្តកណ្តាល រៀបចំពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ គម្រប់ខួប១៤ឆ្នាំ

នៅក្នុងពិធីនេះ ថ្នាក់ដឹកនាំខេត្ត ព្រមទាំងមន្ត្រីរាជការ បានថ្វាយគ្រឿងសក្ការៈបូជានៅចំពោះមុខព្រះឆាយាលក្ខណ៍ និងបានធ្វើការគោរពព្រះវិញ្ញាណក្ខន្ធព្រះបរមរតនកោដ្ឋ ដោយបានសង្រួមកាយ វាចា ចិត្ត ដើម្បីឧទ្ទិសថ្វាយព្រះវិញ្ញាណក្ខន្ធព្រះអង្គ សូមទ្រង់បានយាងទៅកាន់ព្រះបរមសុគតិភពកុំបីឃ្លៀងឃ្លាតឡើយ។