កំពង់ស្ពឺ÷ថ្ងៃអង្គារ ១០រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែតុលា ឆ្នាំ២០២៦ លោក ហន ពិសិដ្ឋ ប្រធានគណៈកម្មាធិការគណបក្សស្រុកគងពិសី បានអញ្ជើញជាអធិបតីក្នុងកិច្ចប្រជុំត្រួតពិនិត្យផែនការការងារឆ្ពោះទៅកាន់ការបោះឆ្នោត និងជម្រុញការចុះឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ និងប្រកាសសេចក្តីសម្រេចស្តីពីការតែងតាំងគណៈកម្មាធិការសាខាគណបក្សក្រុមប្រឹក្សា និងសាខាគណបក្សមូលដ្ឋានរដ្ឋបាលស្រុកគងពិសី។

កំពង់ស្ពឺ÷ថ្ងៃអង្គារ ១០រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែតុលា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ បានអញ្ជើញជួបសំណេះសំណាលជាមួយលោក លោកស្រី គណៈអចិន្ត្រៃយ៍បក្សឃុំ និងប្រធានសាខាបក្សភូមិចំនួន ២ឃុំ នៅស្នាក់ការគណបក្សឃុំទឹកល្អក់ និងឃុំស្នំក្រពើ ស្រុកគងពិសី ខេត្តកំពង់ស្ពឺ។

កំពង់ស្ពឺ៖ នៅព្រឹកថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៤ ខែតុលា ឆ្នាំ២០២៦ ឯកឧត្តម លោកជំទាវ ថ្នាក់ដឹកនាំ និងអាជ្ញាធរមូលដ្ឋាន បានផ្ដោតការយកចិត្តទុកដាក់ខ្ពស់លើការពង្រឹងរចនាសម្ព័ន្ធដឹកនាំនៅមូលដ្ឋាន ដើម្បីធានាបាននូវកិច្ចដំណើរការការងារបម្រើប្រជាពលរដ្ឋឱ្យកាន់តែមានប្រសិទ្ធភាពខ្ពស់។ នាឱកាសនោះ លោក ហន ពិសិដ្ឋ ប្រធានគណៈកម្មាធិការ គណបក្សស្រុកគងពិសី បានអញ្ជើញចូលរួមជាអធិបតីភាពដ៏ខ្ពង់ខ្ពស់ក្នុងពិធីប្រកាសប្រធានស្ដីទីគណបក្សឃុំព្រះនិព្វាន្ត ស្រុកគងពិសី។

កំពង់ស្ពឺ÷ រសៀល ថ្ងៃអាទិត្យ ១៥កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៤ ខែតុលា ឆ្នាំ២០២៦ លោក ហន ពិសិដ្ឋ លោក ម៉ែន ពុំ អនុប្រធានគណបក្សស្រុក អមដំណើរ ឯកឧត្តម អៀង ម៉ូលី សមាជិកគណៈកម្មាធិការកណ្តាល អនុប្រធានទី១ ក្រុមការងារគណបក្សចុះមូលដ្ឋានខេត្ត តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល ប្រធានក្រុមការងារគណបក្សចុះមូលដ្ឋានខេត្ត បានអញ្ជើញជាអធិបតី សំណេះសំណាលជាមួយក្រុមការងារចុះមូលដ្ឋានភូមិ នៅភូមិស្វាយ ឃុំពេជ្រមុនី និង ឃុំព្រៃញាតិ ស្រុកគងពិសី ខេត្តកំពង់ស្ពឺ។

កំពង់ស្ពឺ÷ នៅថ្ងៃទី០៤ ខែតុលា ឆ្នាំ២០២៦ ក្រោមកិច្ចចង្អុលការដឹកនាំរបស់លោក ហុង ចាន់សុខា ប្រធានក្រុមការងារគណបក្សចុះមូលដ្ឋានឃុំប្រាំបីមុម និង ឃុំរុងរឿង បានដំណើរការប្រជុំក្រុមការ គណបក្សចុះមូលដ្ឋានភូមិទាំង១០ ទៅតាមទីកន្លែង និងរបៀបវារៈដែលយើងបានគ្រោងទុក ស្ថិតក្នុងបរិយាកាស ស្និទ្ធស្នាល និងរីករាយក្រៃលែង ក្នុងពិធីនោះក៍មានការជួយឧបត្ថម្ភគាំទ្រជាអាហារសម្រន់ ទឺកសុទ្ធ ថវិកា សម្ភារៈកំដរដៃទៅតាមលទ្ធភាពជាក់ស្ដែងទៅតាមក្រុមនិមួយៗផងដែរ។

នៅថ្ងៃទី៣ ខែតុលា ឆ្នាំ២០២៦នេះ ទិវាគ្រូបង្រៀន៥ តុលា ក្រោមប្រធានបទ «គ្រូបង្រៀន ជាសសរស្តម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១»ត្រូវបានរៀបចំប្រារព្វធ្វើឡើងនៅឃុំភក្ដី ស្រុកបសេដ្ឋ ខេត្តកំពង់ស្ពឺ ក្រោមអធិបតីភាព ឯកឧត្តមបណ្ឌិត ហេង សុខគង់ សមាជិកគណៈកម្មាធិការកណ្ដាគណបក្សប្រជាជនកម្ពុជា និងជាអនុប្រធានទី២ ក្រុមការងារចុះមូលដ្ឋានស្រុកបសេដ្ឋ ខេត្តកំពង់ស្ពឺ អមដំណើរដោយ ឯកឧត្តមវេជ្ជៈបណ្ឌិត ស្រូយ អាដុល្លា អនុប្រធានក្រុមការងារចុះមូលដ្ឋានស្រុកបសេដ្ឋ និងជាប្រធានក្រុមការងារចុះមូលដ្ឋានឃុំកាត់ភ្លុក និងដោយ ឯកឧត្តម លី ចាន់សុភក្ដី អនុប្រធានក្រុមការងារចុះមូលដ្ឋានស្រុកបសេដ្ឋ និងជាប្រធានក្រុមការងារចុះមូលដ្ឋានឃុំភក្ដី ព្រមទាំងឯកឧត្តម លោក លោកស្រីក្រុមការងារចុះមូលដ្ឋានឃុំទាំង២ និងគណៈអចិន្ត្រៃយ៍គណបក្សស្រុក គណៈអចិន្ត្រៃយ៍គណបក្សឃុំទាំង២ ជាមួយនិងការចូលរួមអបអរសាទរក្នុងពិធីនោះ ក៍មានការចូលរួមពី លោកគ្រូ អ្នកគ្រូ អញ្ជើញមកពីឃុំកាត់ភ្លុក និងឃុំភក្ដីប្រមាណជាង១០០នាក់ផងដែរ។