(កំពង់ស្ពឺ)៖​ នាព្រឹកថ្ងៃពុធ ទី០៤ ខែវិច្ឆិកា ឆ្នាំ២០២៦ លោក ញ៉ឹល សំបូរ ប្រធានមន្ទីរ និងជាប្រធានគ្រប់គ្រងគម្រោងអេមស៍ខេត្តកំពង់ស្ពឺ បានអញ្ជើញជាអធិបតី​ ចូលរួមកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៦ និងលើកទិសដៅ សម្រាប់ខែវិច្ឆិកា ឆ្នាំ២០២៦ ដោយមានការចូល រួមពីសំណាក់​ លោក​ លោកស្រីជា​ មន្រ្តីបង្គោល លោកទីប្រឹក្សា លោក​ លោកស្រីជាអ្នកសម្របសម្រួលចង្កោមអាជីវកម្ម នៅសាលប្រជុំមន្ទីរ។

‎(កំពង់ស្ពឺ)៖ ថ្ងៃទី៧ ខែតុលា ឆ្នាំ២០២៦ ឯកឧត្តម ឈៀង សិលា សមាជិកក្រុមប្រឹក្សាខេត្ត និងលោក ងួន វាសនា អភិបាលរង នៃគណៈអភិបាលខេត្ត អញ្ជើញជាអធិបតីក្នុង ពិធីបើកសម្ពោធ «យុទ្ធនាការផលិតផលជាតិ Made in Cambodia" ដើម្បីជំរុញ គាំទ្រ សហគ្រាសធុនតូច និងមធ្យម SMEs សិប្បកម្ម និងកែច្នៃក្នុងស្រុកមានឱកាសបង្ហាញសក្តានុពលផលិតផលរបស់ខ្លួនបញ្ជ្រាបចូលក្នុងទីផ្សារ ពិធីនេះមានការអញ្ជើញចូលរួមពី លោកប្រធានមន្ទីរពាណិជ្ជកម្មខេត្តកំពង់ស្ពឺ លោក លោកស្រីប្រធានមន្ទីរពាក់ព័ន្ធ កងកម្លាំងប្រដាប់អាវុធ ម្ចាស់ផ្សារទំនើប ម៉ាត មីនីម៉ាត និងសិប្បកម្មផលិត និងកែច្នៃក្នុងស្រុកសហគ្រាសធុនមីក្រូ តូចនិងមធ្យម ជាច្រើនកុះករ។ ពិធីដែរប្រារព្ធធ្វើ នៅបរិវេណសួនសម្តេច ព្រះសង្ឃរាជ ជួន ណាត។

កំពង់ស្ពឺ÷ យុទ្ធនាការផលិតផលជាតិ Made In Cambodia នៅតាមបណ្ដើររាជធានីខេត្តរៀបចំឡើងដើម្បី(១)ពង្រីកទីផ្សារ ក្នុងស្រុកបង្កើតឱកាសឲ្យអ្នកផលិតនិងសហគ្រាសធុនមីក្រូ តូចនិងមធ្យម ក្នុងស្រុកបានដាក់បង្ហាញនិងលក់ ផលិតផលដោយផ្ទាល់ (២)លើកកម្ពស់មោទនភាពជាតិបណ្តុះទម្លាប់ “ ខ្មែរជួយខ្មែរ” (៣)បង្កើនទំនុកចិត្តលើគុណ ភាពផលិតផលជាតិព្រមទាំងតភ្ជាប់បណ្តាញអាជីវកម្ម និង(៤)បង្កើតជាវេទិកាជួបជុំរវាងផលិតករនិងអ្នកចែកចាយ ក្នុងតំបន់។

(កំពង់ស្ពឺ)៖ នាព្រឹកថ្ងៃចន្ទ ទី០៥ ខែតុលា ឆ្នាំ២០២៦ លោក ញ៉ឹល សំបូរ ប្រធានមន្ទីរពាណិជ្ជកម្មខេត្ត បានអញ្ជេីញជាអធិបតីភាពដឹកនាំកិច្ចប្រជុំ បូកសរុបលទ្ធផលការងារ សម្រាប់ខែកញ្ញា ឆ្នាំ២០២៦ និងលើកទិសដៅសម្រាប់ ខែតុលា ឆ្នាំ២០២៦ របស់គម្រោងជំរុញទីផ្សារសម្រាប់កសិកម្មខ្នាតតូច AIMS កិច្ចប្រជុំនេះមានការចូលរួមពីសំណាក់ លោក លោកស្រី ក្រុមការងារ មន្ត្រីបង្គោល លោកតំណាងធនាគារ ARDB, តំណាងក្រុមហ៊ុន TWO SH ANGKOR, លោកតំណាងក្រុមហ៊ុន GIC លោកតំណាងក្រុមហ៊ុន AMRU RICE និងលោក លោកស្រី អ្នកសម្របសម្រួលចង្កោមអាជីវកម្ម (BCF) នៅសាលប្រជុំមន្ទីរ។

(ខេត្តព្រះសីហនុ)៖ នាថ្ងៃទី៣០ ខែកញ្ញា ដល់ថ្ងៃ​ ០១​ ខែតុលា​ ឆ្នាំ២០២៦ លោក​ ញ៉ឹល​ សំបូរប្រធានមន្ទីរពាណិជ្ជកម្ម​ខេត្ត​ និងមន្រ្តីបង្គោល នៃគម្រោងជំរុញទីផ្សារសម្រាប់កសិកម្មខ្នាតតូច (អេមស៍ - AIMS) ខេត្តកំពង់ស្ពឺ​ បានចូលរួមវគ្គបណ្តុះបណ្តាលស្តីពី «នីតិវិធីនៃការវាយតម្លៃលើផ្នែកសង្គម បរិស្ថាន និងអាកាសធាតុ (SECAP)» ដោយផ្ដោតលើ ការរៀបចំផែនការផែនការគ្រប់គ្រងបរិស្ថាន សង្គម និងអាកាសធាតុ (ESCMP) និងយន្តការដោះស្រាយបណ្តឹងតវ៉ា (GRM) ក្រោមអធិបតីភាព​ លោក លឹម ច័ន្ទសុភ័ក្រ្ត អគ្គនាយករងពាណិជ្ជកម្មក្នុងប្រទេសនៃក្រសួងពាណិជ្ជកម្មវគ្គបណ្តុះបណ្តាលនេះមានការចូលរួមពីសំណាក់​ ក្រុមការងារអនុវត្តគម្រោងថ្នាក់ជាតិ (PMO) មន្រ្តីបង្គោលអនុវត្តគម្រោងខេត្តគោលដៅទាំង ១៨ ទីប្រឹក្សា និងជំនាញការក្រោមគម្រោងអេមស៍ ទាំងអស់។

កំពង់ស្ពឺ៖ ថ្ងៃទី១៨ ខែកញ្ញា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានដឹកនាំគណៈប្រតិភូខេត្តកំពង់ស្ពឺ ចូលរួមសន្និសីទស្តីពីការជម្រុញការវិនិយោគ និងកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាង ចិន និងកម្ពុជា ខេត្តកំពង់ស្ពឺ នៅទីក្រុងណាននីង តំបន់ស្វយ័តក្វាងស៊ី សាធារណៈរដ្ឋប្រជាមានិតចិន។