បាត់ដំបង ៖ ក្រុមការងារការិយាល័យស្រុកប្រតិបត្តិសង្កែ ដឹកនាំដោយលោក អនុបណ្ឌិត សូ សារិទ្ធ អនុប្រធានស្រុកប្រតិបត្តិសង្កែ សហការជាមួយមន្ត្រីមណ្ឌលសុខភាព អាជ្ញាធរមូលដ្ឋាន និងក្រុមទ្រទ្រង់សុខភាពភូមិ បានចុះធ្វើយុទ្ធនាការអប់រំសុខភាព ស្តីពីការការពារជំងឺគ្រុនឈាម និងគ្រុនចាញ់ ។
ខេត្តកំពង់ស្ពឺ៖ នៅព្រឹកថ្ងៃសៅរ៍ ១៤រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១០ ខែតុលា ឆ្នាំ២០២៦ ឯកឧត្តមបណ្ឌិត អ៊ុក កោសា សមាជិកគណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានស្រុកសាមគ្គីមុនីជ័យ និងលោកជំទាវមហាឧបាសិកា ពុទ្ធសាសនូបត្ថម្ភ ជៀម ម៉ាលីន ព្រមទាំងបុត្រាបុត្រី ចៅប្រុសចៅស្រី បងប្អូនញាតិសន្តាន និងសហការីទាំងអស់ បានអញ្ជើញចូលរួមក្នុងពិធីបុណ្យកាន់បិណ្ឌ និងដាក់បិណ្ឌ (ថ្ងៃភ្ជុំបិណ្ឌ) ប្រកបដោយបរិយាកាសសទ្ធាជ្រះថ្លា ស្ថិតនៅទីអារាមវត្តព្រៃជុំ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ។
កំពង់ស្ពឺ៖នៅថ្ងៃទី៧ ខែតុលា ឆ្នាំ២០២៦ លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ បានអញ្ជើញដឹកនាំក្រុមការងារគណបក្សចុះមូលដ្ឋានឃុំអមលាំងចុះសួរសុខទុក្ខគ្រួសារមានជីវភាពខ្វះខាតជួបការលំបាកចំនួន០២គ្រួសារ ។
កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១០ ខែតុលា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី១១ ខែតុលា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៨.៤៩ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
ខេត្តកំពង់ស្ពឺ៖ នាយប់ថ្ងៃសៅរ៍ ១៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែតុលា ឆ្នាំ២០២៦ ឯកឧត្តម ឈួរ សុបញ្ញា ប្រធានផ្នែកចិញ្ចឹមចលនានិវត្តជន និងអតីតយុទ្ធជនខេត្តកំពង់ស្ពឺអញ្ជើញចូលរួមពិធីឈាបនកិច្ចសពឧបាសក កង កែវ (សួស យឿង) អតីតអនុប្រធានការិយាល័យធម្មការ និងសាសនាស្រុកភ្នំស្រួច នៅគេហដ្ឋាននៃសព ស្ថិតក្នុងភូមិពង្រ ឃុំតាំងស្យា ស្រុកភ្នំស្រួច ខេត្តកំពង់ស្ពឺ។
