បាត់ដំបង៖ កម្លាំងជំនាញកងរាជអាវុធហត្ថខេត្តបាត់ដំបង បានបញ្ជូនមេខ្យល់ម្នាក់ ឈ្មោះ ផល ម៉ាន់ ភេទប្រុស អាយុ ៤២ឆ្នាំ មានទីលំនៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ទៅសាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់ នាល្ងាចថ្ងៃទី២៦ ខែតុលា ឆ្នាំ២០២៦ ពាក់ព័ន្ធនឹងករណីដឹកជញ្ជូនពលករចំនួន ១១នាក់ បម្រុងឆ្លងដែនខុសច្បាប់ចូលទៅប្រទេសថៃ។

បាត់ដំបង៖ នាយកដ្ឋានកិច្ចការប៉ុស្តិ៍នគរបាលរដ្ឋបាល បានសហការជាមួយស្នងការដ្ឋាននគរបាលខេត្តបាត់ដំបង រៀបចំពិធីបើកវគ្គបំប៉នជំនាញរយៈពេលខ្លី ស្តីពី «តួនាទី និងភារកិច្ចរបស់ប៉ុស្តិ៍នគរបាលរដ្ឋបាលឃុំ-សង្កាត់» នាព្រឹកថ្ងៃទី២៦ ខែតុលា ឆ្នាំ២០២៦ នៅសាលប្រជុំអគារ A នៃស្នងការដ្ឋាននគរបាលខេត្តបាត់ដំបង។

បាត់ដំបង ៖ ឧបករណ៍នេសាទខុសច្បាប់មានដូចជារបាំងសាច់មង បង្គោល និងឡុកចាប់ត្រីជាច្រើននៅតំបន់បឹងទន្លេសាប ស្ថិតក្នុងភូមិសាស្ត្រស្រុកឯកភ្នំ នៃខេត្តបាត់ដំបង ត្រូវបានកម្លាំងសមត្ថកិច្ចចម្រុះចុះបង្ក្រាប និងបានកម្ទេចចោលនៅនឹងកន្លែង ។

បាត់ដំបង៖ លោក លឹម ប៊ុនលី ប្រធានមន្ទីររ៉ែ និងថាមពលខេត្តបាត់ដំបង បានឱ្យដឹងថា នៅថ្ងៃទី២០ ខែតុលា ឆ្នាំ២០២៦ ក្រុមការងារជំនាញនៃមន្ទីររ៉ែ និងថាមពល បានចុះត្រួតពិនិត្យ និងបង្ក្រាបទីតាំងអាជីវកម្មរ៉ែមាសខុសច្បាប់ចំនួន ២កន្លែង ដែលជាកម្មសិទ្ធិរបស់ឈ្មោះ ប៉ិល សង្ហា (ហៅ សីហា) ស្ថិតក្នុងភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង។

បាត់ដំបង៖ នាព្រឹកថ្ងៃទី១៥ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានបន្តនាំយកអំណោយជាស្បៀងអាហាររបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចែកជូនប្រជាពលរដ្ឋក្រីក្រ និងប្រជាពលរដ្ឋរងគ្រោះដោយជំនន់ទឹកភ្លៀងចំនួន ២៧០គ្រួសារ នៅស្រុករុក្ខគិរី ខេត្តបាត់ដំបង។

បាត់ដំបង៖ ផ្ទះរបស់ប្រជាពលរដ្ឋចំនួន ២ខ្នង បានរងការឆាបឆេះខូចខាតទាំងស្រុង ដោយសារអគ្គិភ័យមួយករណី ដែលបានកើតឡើងនៅវេលាម៉ោង ១២ និង ៤០ នាទី ថ្ងៃទី១០ ខែតុលា ឆ្នាំ២០២៦ ស្ថិតនៅក្រុមទី៤៤ ភូមិដាំស្ពៃ សង្កាត់ស្លាកែត ក្រុងបាត់ដំបង ខេត្តបាត់ដំបង។