(រាជធានី​ភ្នំពេញ)​:នារសៀល​ថ្ងៃ​ទី២៥ ខែតុលា​ ឆ្នាំ២០២៦​ឯកឧត្តម​ នេត្រ​ ភក្ត្រា​ បានអញ្ជេីញ​ជាអធិបតីពិធីបិទវគ្គបណ្តុះបណ្តាលសារព័ត៌មាន «ការទទួលខុសត្រូវវិជ្ជាជីវៈរបស់អ្នកសារព័ត៌មានក្នុងបរិបទឌីជីថល» ដែល​ប្រព្រឹត្ត​នៅទីស្តីការក្រសួងព័ត៌មាន​ ដោយមានអ្នកសារព័ត៌មាន អាជ្ញាធរមូលដ្ឋាន និងកម្លាំងសមត្ថកិច្ចសរុបជាង ៧០០ នាក់។

ព្រឹកថ្ងៃចន្ទ ១៥កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៦ ខែតុលា ឆ្នាំ២០២៦ លោក ហន ពិសិដ្ឋ អភិបាល នៃគណៈអភិបាលស្រុក និង ជាប្រធានគណៈកម្មាធិការ គណបក្សស្រុក អញ្ជើញអមដំណើរ ឯកឧត្តម ហ៊ុន ម៉ានី សមាជិកអចិន្ត្រៃយ៍ គណៈកម្មាធិការកណ្ដាល និង ជាប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ អញ្ជើញពិនិត្យស្ថានភាព ខូចខាតស្ពានចំនួន ០៣ កន្លែងដែលស្ថិតនៅក្នុងឃុំមហាឫស្សីចំនួន ០១ កន្លែងឃុំព្រៃវិហារចំនួន ០២ កន្លែង។

កំពង់ស្ពឺ៖ ក្នុងគោលបំណងពង្រឹងកិច្ចការពារ និងគ្រប់គ្រងទ្រព្យសម្បត្តិសាធារណៈឱ្យកាន់តែមានប្រសិទ្ធភាពខ្ពស់ នៅព្រឹកថ្ងៃទី២៦ ខែតុលា ឆ្នាំ២០២៦ រដ្ឋបាលខេត្តកំពង់ស្ពឺបានរៀបចំកិច្ចប្រជុំស្តីពីការធ្វើបច្ចុប្បន្នភាពការធ្វើប័ណ្ណកម្មសិទ្ធិដីរដ្ឋ ក្រោមអធិបតីភាពឯកឧត្តម ហន ភក្តី អភិបាលរងនៃគណៈអភិបាលខេត្តកំពង់ស្ពឺ ដោយមានការចូលរួមពីមន្ត្រីពាក់ព័ន្ធប្រមាណ ៧០នាក់ នៅសាលប្រជុំអគាររដ្ឋបាលខេត្ត។

តារាងប្រៀបធៀបសង្ខេបរវាងច្បាប់ផ្លូវថ្នល់ចាស់ និងវិសោធនកម្មច្បាប់ផ្លូវថ្នល់ថ្មី លើការកម្រិតកំណត់ទម្ងន់អតិបរមាតាមប្រភេទយានយន្ត។ កម្រិតទម្ងន់អនុញ្ញាតតាមច្បាប់ចាស់ និងច្បាប់ថ្មី មិនមានភាពខុសគ្នា​ និងបន្ថយចំនួនតោននោះទេ ផ្ទុយទៅវិញច្បាប់ថ្មីបានដំឡើងកម្រិតអនុញ្ញាតឱ្យដឹកជញ្ជូនបានច្រើនទៅតាមប្រភេទយានយន្តមួយចំនួន ដែលជាការសម្របសម្រួលសម្រាប់អ្នកដឹកជញ្ជូន និងធានាបាននូវប្រសិទ្ធភាពនៃការអនុវត្ត និងកាត់បន្ថយការខូចខាតផ្លូវថ្នល់។ សូមបងប្អូនប្រជាពលរដ្ឋ ជាពិសេសអ្នកដឹកជញ្ជូន ស្វែងយល់ និងចូលរួមអនុវត្តច្បាប់ថ្មីនេះ ដើម្បីផលប្រយោជន៍រួម។

(កំពង់ស្ពឺ)៖​ នៅថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស. ២​៥៧០ត្រូវនឹង ថ្ងៃទី២៥ ខែតុលា ឆ្នាំ​២​០២៦​ សមត្ថកិច្ច​ទទួល​បាន​ព័ត៌មា​ន​ស្ដីពី​ករណីប៉ុនប៉ងឃាតកម្ម នៅតំបន់សេដ្ឋកិច្ចពិសេស​ "​គុនតៃខ​ន​ស្ត្រាក់​សិន​ "​ ក្នុងភូមិឈើនាងខ្ពស់ ឃុំតាំងស្យា ស្រុកភ្នំស្រួច ខេត្តកំពង់ស្ពឺ ជនសង្ស័យមិនស្គាល់អត្តសញ្ញា​ណ រីឯ​ជ​នរងគ្រោះមានឈ្មោះ​ ឆោម ឌីណា ភេទប្រុស អាយុ​៣​១ឆ្នាំ រស់នៅភូមិទន្លេកន្ទិល ឃុំសំរោងទង ស្រុកសំ​រោងទង ខេត្តកំពង់ស្ពឺ រងរបួសក្បាលធ្ងន់ធ្ងរ បានបញ្ជូ​នទៅ​សង្គ្រោះនៅមន្ទីរពេទ្យព្រះកេតុមាលា អតីតមន្ទីរពេទ្យ​១៧​៩ ភ្នំពេញ។

នាព្រឹកថ្ងៃចន្ទ ១៥កើត ខែអស្សុជ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី២៦ ខែតុលា ឆ្នាំ២០២៦​ នៅស្នងកា​រដ្ឋាននគរបាលខេត្ដកំពង់ស្ពឺ​ លោកវរសេនីយ៍ឯក​ ហុក​ អេងជាង​ ស្នងការ​រង​ និងជាប្រធានវេនប្រចាំបញ្ជា​ទី៦តំណាង​​ លោកឧត្ដមសេនីយ៍ទោ​ ឃឹម​ សុកខៃ​ ស្នងការ​នគរបាល​ខេត្ត​កំពង់​ស្ពឺ​ អញ្ជើញ​ចូលរួម​គោរព​ទង់ជាតិ​ នៃព្រះរាជាណាចក្រកម្ពុជា​ ។