ព័ត៌មានតាមបណ្តារខេត្ត

(កំពង់ចាម)៖ នារសៀលថ្ងៃទី៨ ខែកញ្ញា ឆ្នាំ២០២៦ នៅសាលាខេត្តកំពង់ចាម តំណាងក្រសួងសាធារណការ និងអាជ្ញាធរខេត្តកំពង់ចាម បានបើកកិច្ចប្រជុំត្រួតពិនិត្យវឌ្ឍនភាពនៃ «គម្រោងអភិវឌ្ឍន៍ក្រុងរបៀង៤» ក្រោមអធិបតីភាព លោក ផេន សុផល អភិបាលរងខេត្ត (តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម) និង ឯកឧត្តម វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន។

(រាជធានីភ្នំពេញ) ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីបិទសន្និបាតបូកសរុបលទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី៨ ខែកញ្ញា ឆ្នាំ២០២៦ នេះ ស្ថិតនៅសណ្ឋាគាររ៉េស៊ីដង់ សុខាភ្នំពេញ និងតាមរយៈប្រព័ន្ធកម្មវិធីហ៊្សូម (Zoom)។

កំពង់ចាម៖ ដោយឡែកបើយោងតាមរបាយការណ៍ពីមន្ទីរធនធានទឹក និងឧតុនិយមខេត្តកំពង់ចាម បានឱ្យដឹងថាកម្ពស់ទឹកនៅថ្ងៃទី០៨ខែកញ្ញា ឆ្នាំ២០២៦ កម្ពស់ទឹកបានកើនឡើងដល់កម្ពស់១៣,៦២ម៉ែត្រ បើធៀបនឹងថ្ងៃម្សិលមិញទឹកទន្លឡើង០,១៦ម៉ែត្រ។ កម្ពស់នាពេលនេះបើធៀបកាលពីឆ្នាំ២០២៥ គឺមានកម្ពស់១៣,៣០ម៉ែត្រប៉ុណ្ណោះ ហើយកម្ពស់ទឹកដែលត្រូវប្រកាសប្រុងប្រយ័ត្ននៅតំបន់នេះគឺ១៥,២០ម៉ែត្រ។

សុខភាព៖ ដើម្បីបន្ថយអាការតឹងច្រមុះ លោកអ្នកគួរតែយល់ដឹងពីគន្លឹះព្យាបាលងាយៗទាំងអស់នេះ ដើម្បីកាត់បន្ថយការចំណាយផ្សេងៗ និងសម្រួលដល់អាការតឹងច្រមុះដែលរំខានដល់លោកអ្នក។

បាត់ដំបង៖ លោក ប៊ី សុភាព អភិបាលនៃគណៈអភិបាលស្រុកឯកភ្នំ និងក្រុមការងារ បានចូលរួមកិច្ចប្រជុំពិភាក្សា លើគម្រោង លើកកម្ពស់ការតភ្ជាប់ដែលមានភាពធន់ និងការប្រែប្រួលអាកាសធាតុ ជាមួយក្រុមការងារក្រសួងសាធារណការ និងដឹកជញ្ជូន នៅសាលាឃុំពាមឯក ស្រុកឯកភ្នំ ខេត្តបាត់ដំបង កាលពីព្រឹកថ្ងៃទី ៧ កញ្ញា ២០២៦។

ប៉ៃលិន៖ តំណាងស្នងការដ្ឋាននគរបាលខេត្តប៉ៃលិន បានចុះសំណេះសំណាលសួរសុខទុក្ខ និងនាំយកថវិកាមិត្តនគរបាលប្រគល់ជូនមន្ត្រីនគរបាលមានជំងឺចំនួន ៤រូប កាលពីរសៀលថ្ងៃទី៧ ខែកញ្ញា ឆ្នាំ២០២៦ ដើម្បីជួយសម្រាលការលំបាក និងលើកទឹកចិត្តដល់កងកម្លាំង។

ដើម្បីបំពេញ និងឆ្លើយតបតាមតម្រូវការការងារបម្រើប្រជាពលរដ្ឋក្នុងខេត្តបាត់ដំបង និងជំនួសមន្ត្រីនគរបាលដែលមានអាយុចូលនិវត្តន៍ ស្នងការដ្ឋាននគរបាលខេត្តបាត់ដំបង បានចេញសេចក្តីជូនដំណឹង ស្ដីពីការជ្រើសរើសក្របខណ្ឌមន្ត្រីនគរបាលជាតិ ដើម្បីបំពេញជំនួស និងចូលបម្រើការងារនៅស្នងការដ្ឋាននគរបាលជាតិ ខេត្តបាត់ដំបង សម្រាប់ឆ្នាំ ២០២៦។

បាត់ដំបង៖ ក្រុមការងារអនុវត្តគម្រោងសាកល្បងប្រព័ន្ធ ញែកសំណល់នៅហ្នឹងប្រភព របស់សាលាក្រុងបាត់ដំបង បានចាប់ផ្តើមផ្សព្វផ្សាយ តាមដាន និងត្រួតពិនិត្យការដឹកជញ្ជូនសំណល់តាមប្រភេទ និងតាមការវិភាគ ដែលបានកំណត់ដោយរដ្ឋបាលក្រុងបាត់ដំបង។ សកម្មភាពនេះបានចាប់ផ្តើមពីសហគមន៍អភិវឌ្ឍន៍កំពង់ក្របី សង្កាត់ស្វាយប៉ោ កាលពីថ្ងៃទី ៧ កញ្ញា ២០២៦។

មណ្ឌលសុខភាពសំរោង កំពុងដើរតួនាទីយ៉ាងសំខាន់ ក្នុងការផ្ដល់សេវាថែទាំសុខភាពស្រ្តីអំឡុងពេលមានផ្ទៃពោះ ដែលមានការយកចិត្តទុកដាក់ពីសំណាក់ក្រុមគ្រូពេទ្យ ប្រកបដោយក្រមសីលធម៌វិជ្ជាជីវៈ ។

(កំពង់ចាម)៖ អាជ្ញាធរខេត្តកំពង់ចាម បាននិងកំពុងរៀបចំផែនការរៀបចំសណ្ដាប់ធ្នាប់សាធារណៈ ដោយត្រៀមកំណត់ទីតាំង និងរបៀបរៀបរយច្បាស់លាស់សម្រាប់អាជីវករដែលលក់ដូរតាមដងផ្លូវ សំដៅលើកកម្ពស់សោភ័ណភាពក្រុង និងជៀសវាងគ្រោះថ្នាក់ចរាចរណ៍ ដែលអាចកើតមានឡើងជាយថាហេតុ។

(ប៉ៃលិន)៖ នៅថ្ងៃទី៧ ខែកញ្ញា ឆ្នាំ២០២៦ ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកវរសេនីយ៍ទោ មាឃ សារ៉ន អធិការនគរបាលក្រុងប៉ៃលិន បានចាត់ឲ្យ កម្លាំងប៉ុស្តិ៍នគរបាលរដ្ឋបាលប៉ៃលិន សហការជាមួយរដ្ឋបាលសង្កាត់ប៉ៃលិន និងអាជ្ញាធរមូលដ្ឋាន ចុះផ្សព្វផ្សាយអនុក្រឹត្យលេខ ០៣ អនក្រ.បក ស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំ ដើម្បីឱ្យប្រជាពលរដ្ឋ បានយល់ដឹងកាន់តែច្បាស់អំពីច្បាប់ និងការចូលរួមថែរក្សាសន្តិសុខសង្គម នៅតាមមូលដ្ឋានផ្ទាល់ និងជាមួយការធ្វើបច្ចុប្បន្នភាព និងបំពេញប្រវត្តិរូបជូន គ្រួសារឣតីតយុទ្ធជន និវត្តជន ជនពិការ នៅភូមិឣូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន ចំនួន ៤គ្រួសារផងដែរ។

(ប៉ៃលិន)៖ ដើម្បីធានាបាននូវគុណភាពផ្លូវ និងសម្រួលដល់ការធ្វើដំណើររបស់ប្រជាពលរដ្ឋ ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តប៉ៃលិន បានបន្តចុះអនុវត្តការងារជួសជុល ថែទាំខួប និងថែទាំប្រចាំលើបណ្តាញផ្លូវសំខាន់ៗក្នុងភូមិសាស្ត្រខេត្ត នាថ្ងៃទី០៧ ខែកញ្ញា ឆ្នាំ២០២៦។