កំពង់ស្ពឺ៖ដោយ​អនុវត្តតាមបទបញ្ជាយ៉ាង​ម៉ឺងម៉ាត់​និងមានការចង្អុលបង្ហាញពីលោក​ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ​​​ កម្លាំង​ជំនាញ​កងរាជអាវុធហត្ថខេត្តកំពង់ស្ពឺ​ បាន​ធ្វើការ​បង្ក្រាបនិងឃាត់ខ្លួនក្រុមក្មេងទំនើងដែលតែងតែធ្វើសកម្មភាពបង្ហោះ​ម៉ូតូ​តាម​ទី​សាធារណៈ​ដែលជាហេតុបង្កអោយមាន​ភ័យខ្លាច​ដល់​ប្រជា​ពលរដ្ឋ​រស់នៅជុំវិញ បង្ក​ភាព​អ​ណា​ធិប​តេយ្យ​ ខូចសណ្តាប់ធ្នាប់សង្គម ជាបន្តបន្ទាប់យកមកអប់រំណែនាំនិងដកហូតយកម៉ូតូមករក្សាទុករយៈពេល០៣ខែ នៅទីបញ្ជាការកងរាជអាវុធហត្ថខេត្តកំពង់ស្ពឺជាបន្តបន្ទាប់នាពេលកន្លងមក។

កំពង់ស្ពឺ៖ នៅថ្ងៃទី ២៣ ខែតុលា ឆ្នាំ ២០២៦ រដ្ឋបាលខេត្តកំពង់ស្ពឺ បានរៀបចំកិច្ចប្រជុំបូកសរុបលទ្ធផលការងាររបស់គណៈកម្មាធិការពីគ្រោះយោបល់កិច្ចការស្ត្រី និងកុមារប្រចាំខែតុលា ឆ្នាំ២០២៦ និងលើកទិសដៅបន្តខែវិច្ឆិកា ឆ្នាំ២០២៦ ក្រោមអធិបតីភាព លោកជំទាវ ចន យឿន សមាជិកាក្រុមប្រឹក្សាខេត្ត និងជាប្រធានគណៈកម្មាធិការ គ.ក.ស.កខេត្ត ព្រមទាំងមានការចូលរួមពី លោកលោកស្រីប្រធាន អនុប្រធានមន្ទីរ-អង្គភាពជុំវិញខេត្ត និងអាជ្ញាធរពាក់ព័ន្ធផងដែរ

កំពង់ស្ពឺ៖នាព្រឹកថ្ងៃទី២២ ខែតុលា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ​ បានអញ្ជើញ​ដឹកនាំ​កម្លាំង​ជំនាញ​កងរាជ​អាវុធហត្ថ​ខេត្តកំពង់ស្ពឺ ចូលរួមកិច្ចប្រជុំផែនការការពារសន្តិសុខ សណ្ដាប់ធ្នាប់ និងសុវត្ថិភាព ព្រមទាំងចុះត្រួតពិនិត្យទីតាំងជាក់ស្តែង ដើម្បីត្រៀមរៀបចំកម្លាំង និងមធ្យោបាយការពារសន្តិសុខ ក្នុងពិធីសម្ពោធដាក់ឱ្យប្រើប្រាស់ជាផ្លូវការសាលប្រជុំតេជោសន្តិភាព និងអគារសិក្សាតេជោសន្តិភាព នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ ក្រោមអធិបតីភាព​​​ ឯកឧត្តម​ នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ។

ក្រោមពាក្យស្លោកចូលរួមសប្បាយរីករាយជាមួយក្រុមគ្រួសារ ❤️ប៉ា ម៉ានី ❤️នៅព្រឹកថ្ងៃទី២២ ខែតុលា ឆ្នាំ២០២៦ ក្រុមការងារសម្របសម្រួលការងារវិស័យសុខាភិបាល ខេត្តកំពង់ស្ពឺ របស់ 🙏ឯកឧត្តមឧបនាយករដ្ឋមន្ត្រី ហ៊ុន ម៉ានី 🙏 និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ ឯកឧត្តម វង្ស ភក្តី តំណាង ឯកឧត្តមបណ្ឌិត ហេង សុខគង់ និងសហការី រួមជាមួយ លោក ឌឿន ដេត មន្រ្តីការិយាល័យស្រុកប្រតិបត្តិខេត្តកំពង់ស្ពឺ និងលោកស្រី ស៊ីម ចរិយា អនុប្រធានមណ្ឌលសុខភាពអូរគគី តំណាងលោកវេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ បានចុះសួរសុខទុក្ខ លោកស្រី ថូ ចេងសុភីរ៉ា ជាមន្រ្តី បម្រើការងាេនៅមណ្ឌលសុខភាពអូរគគី ឃុំតាំងក្រូច ស្រុកសំរោងទង ដែលកំពុងសម្រាកលំហែមាតុភាពនៅគេហដ្ឋានភូមិ អង្គប្រាសាទ ឃុំច្បារមន ក្រុងច្បារមន។

ឃុំដំណាក់រាំង៖ នាល្ងាចថ្ងៃព្រហស្បតិ៍ ទី២២ ខែតុលា ឆ្នាំ២០២៦ ឯកឧត្តម ឈួរ សុបញ្ញា ប្រធានក្រុមការងាររាជរដ្ឋាភិបាលចុះជួយមូលដ្ឋានឃុំដំណាក់រាំង បានដឹកនាំក្រុមការងារអញ្ជើញចុះពិនិត្យស្ថានភាពជាក់ស្តែងនៃជំនន់ទឹកភ្លៀង ដែលបណ្តាលឱ្យដាច់ផ្លូវមួយកន្លែង ស្ថិតនៅភូមិទួលសំណាង ឃុំដំណាក់រាំង ស្រុកសាមគ្គីមុនីជ័យ ដើម្បីស្វែងរកដំណោះស្រាយ និងសម្រួលដល់ការធ្វើដំណើររបស់ប្រជាពលរដ្ឋ។

នៅរសៀលថ្ងៃទី២២ ខែតុលា ឆ្នាំ២០២៦ សាលាខេត្តបាត់ដំបង បានរៀបចំសិក្ខាសាលាស្តីពី «វឌ្ឍនភាពការងារកែទម្រង់វិមជ្ឈការ និងវិសហមជ្ឈការក្រសួងព័ត៌មាន និងការពិនិត្យឡើងវិញមុខងារដែលបានធ្វើប្រតិភូកម្មនៅក្រសួងព័ត៌មាន និងនៅរដ្ឋបាលថ្នាក់ក្រោមជាតិ»។