កម្មវិធី ទទក ព័ត៌មានជាតិ និងអន្តរជាតិ ម៉ោង១៩:០០នាទី (ថ្ងៃសៅរ៍ ៦កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែតុលា ឆ្នាំ២០២៦)
កំពង់ស្ពឺ៖ដោយអនុវត្តតាមបទបញ្ជាយ៉ាងម៉ឺងម៉ាត់និងមានការចង្អុលបង្ហាញពីលោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងជំនាញកងរាជអាវុធហត្ថខេត្តកំពង់ស្ពឺ បានធ្វើការបង្ក្រាបនិងឃាត់ខ្លួនក្រុមក្មេងទំនើងដែលតែងតែធ្វើសកម្មភាពបង្ហោះម៉ូតូតាមទីសាធារណៈដែលជាហេតុបង្កអោយមានភ័យខ្លាចដល់ប្រជាពលរដ្ឋរស់នៅជុំវិញ បង្កភាពអណាធិបតេយ្យ ខូចសណ្តាប់ធ្នាប់សង្គម ជាបន្តបន្ទាប់យកមកអប់រំណែនាំនិងដកហូតយកម៉ូតូមករក្សាទុករយៈពេល០៣ខែ នៅទីបញ្ជាការកងរាជអាវុធហត្ថខេត្តកំពង់ស្ពឺជាបន្តបន្ទាប់នាពេលកន្លងមក។
ខេត្តកំពង់ស្ពឺ៖ ស្តែងចេញពីការយកចិត្តទុកដាក់លើសុខទុក្ខ និងជីវភាពរស់នៅរបស់ប្រជាពលរដ្ឋ នៅថ្ងៃទី១៧ ខែតុលា ឆ្នាំ២០២៦ លោកស្រី ម៉ម ស៊ីណាត ប្រធានគណបក្សឃុំមហាឫស្សី អមដំណើរដោយលោក លោកស្រី ជាអនុប្រធាន និងសមាជិកគណបក្សឃុំ បានចុះសួរសុខទុក្ខដោយផ្ទាល់ដល់ខ្នងផ្ទះប្រជាពលរដ្ឋដែលមានជំងឺសម្រាកព្យាបាលនៅតាមផ្ទះចំនួន ១២គ្រួសារ ក្នុងឃុំមហាឫស្សី។
ខេត្តកំពង់ស្ពឺ៖ នៅថ្ងៃទី១៧ ខែតុលា ឆ្នាំ២០២៦ លោក អោក សារិន ប្រធានស្តីទីគណបក្សឃុំ បានអញ្ជើញជាតំណាង ឯកឧត្តម ថុល ឡាលីន ប្រធានក្រុមការងារចុះមូលដ្ឋានភូមិត្រពាំងស្លា ចុះសួរសុខទុក្ខ និងនាំយកថវិកាចូលរួមរំលែកទុក្ខជាមួយគ្រួសារសពលោកស្រី អ៊ុំ នាង អាយុ ៤៧ឆ្នាំ ដែលបានទទួលមរណភាព។
ខេត្តកំពង់ស្ពឺ៖ នៅថ្ងៃទី១៧ ខែតុលា ឆ្នាំ២០២៦ គណបក្សឃុំស្រង់បានរៀបចំកិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅការងារខែវិច្ឆិកា ក្រោមអធិបតីភាព លោក ច័ន្ទថេត ថានរៈ ប្រធានក្រុមការងារគណបក្សចុះមូលដ្ឋានឃុំស្រង់ នៅស្នាក់ការគណបក្សឃុំស្រង់ ស្រុកគងពិសី។
