កំពង់ស្ពឺ៖ដោយ​ទទួល​បានការ​អនុញ្ញាតនិងមានការចង្អុលបង្ហាញពី​ ឯកឧត្ដម​​​​​ នាយ​ឧត្ដម​សេនីយ៍​ សៅ​​​​​​ សុខា​​ អគ្គ​មេបញ្ជាការ​រង​​​ កងយោធពល​ខេមរ ភូមិន្ទនិងជា​មេបញ្ជាការ​កង​រាជ​អាវុធហត្ថ​លើ​ផ្ទៃ​ប្រទេស​​ នៅថ្ងៃទី៥-៧ ខែតុលា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ​ កងរាជអាវុធហត្ថ​ខេត្ត​កំពង់ស្ពឺ​​​ បានដឹកនាំក្រុមការងារ​កង​រាជ​អាវុធហត្ថ ចុះត្រួតពិនិត្យលក្ខណៈសម្បត្តិការប្រឡងធ្វើតេស្ត។

កំពង់ស្ពឺ៖ នាព្រឹកថ្ងៃទី០៩ ខែតុលា ឆ្នាំ២០២៦ លោក កៅ សុណ្ណារឹទ្ធ អភិបាលរងខេត្ត និងជាប្រធានក្រុមការងារចុះមូលដ្ឋានឃុំកាហែង បានអញ្ជើញជាអធិបតីក្នុងពិធីជួបសំណេះសំណាល និងនាំយកអំណោយដ៏ថ្លៃថ្លាទៅចែកជូនគ្រួសារវីរៈកងទ័ពដែលកំពុងឈរជើងបំពេញភារកិច្ចការពារជាតិនៅសមរភូមិមុខ ចំនួន ៦៧គ្រួសារ នៅឃុំកាហែង ស្រុកសំរោងទង ខេត្តកំពង់ស្ពឺ។

កំពង់ស្ពឺ÷ ផ្នែកនិវត្តជន និងអតីតយុទ្ធជន បានចុះសួរសុខទុក្ខលោកជំទាវ អ៊ឹម សាវឿន ទីប្រឹក្សាជាន់ខ្ពស់រដ្ឋសភា និងជាអតីតអ្នកតំណាងរាស្ត្រមណ្ឌលខេត្តកំពង់ស្ពឺ ដែលកំពុងមានជំងឺ និងសម្រាកនៅគេហដ្ឋាន ស្ថិតក្នុងស្រុកសំរោងទង ខេត្តកំពង់ស្ពឺ។

កំពង់ស្ពឺ÷ ស្រុកគងពិសីសូមគោរពជូនរបាយការណ៍សម្រាប់ថ្ងៃព្រហស្បតិ៏ ១២រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែតុលា ឆ្នាំ២០២៦-ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកគងពិសី តំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានគោរពអញ្ជើញជាអធិបតីក្នុងពិធីសំណេះសំណាលប្រគល់សម្ភារៈ និងថវិការបស់ឯកឧត្តម ហ៊ុន ម៉ានី ជូនដល់គ្រួសារកងទ័ពកំពុងឈរជើងនៅបន្ទាត់ព្រំដែន សរុបចំនួន ២៥៣គ្រួសារ។

‎(កំពង់ស្ពឺ)៖ ថ្ងៃទី៨ ខែតុលា ឆ្នាំ២០២៦ ឯកឧត្តម យឹម សុខុម ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ព្រមទាំង លោកជំទាវ ម៉េង វ៉ាន់ដានីន បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីសំណេះសំណាល សួរសុខទុក្ខ និងជូនពរជ័យ ដល់មន្ត្រីរាជការ និងបុគ្គលិកនៃរដ្ឋបាលខេត្តកំពង់ស្ពឺ ក្នុងឱកាសពិធីបុណ្យភ្ជុំបិណ្ឌ ដែលជាបុណ្យប្រពៃណីជាតិខ្មែរដ៏ធំដំ។

(ឃុំដំណាក់រាំង)៖ នៅព្រឹកថ្ងៃព្រហស្បតិ៍ ១២រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែតុលា ឆ្នាំ២០២៦ ឯកឧត្តម ឈួរ សុបញ្ញា រួមជាមួយថ្នាក់ដឹកនាំក្រុមការងាររាជរដ្ឋាភិបាលចុះមូលដ្ឋានឃុំដំណាក់រាំង និងអាជ្ញាធរឃុំដំណាក់រាំងចូលរួមកាន់វេនបិណ្ឌទី១២ ជាមួយព្រះសង្ឃ និងបងប្អូនពុទ្ធបរិស័ទមកពីភូមិទាំង៣ (ដំណាក់រាំងរាំង ត្រពាំងវែង ក្រាំងខ្នុរ) ចំណុះជើងវត្តធម្មបញ្ញាមហាព្រហ្ម។ ក្នុងឱកាសប្រកបដោយសទ្ធាជ្រះថ្លានេះ ថ្នាក់ដឹកនាំ និងក្រុមការងារ បាននាំយកនូវបច្ច័យកសាង និងទេយ្យទានមួយចំនួនប្រគេនជូនព្រះសង្ឃ រួមមាន៖ បច្ច័យសម្រាប់កសាងវត្ត អង្ករ ចំនួន ៥០ គីឡូក្រាម មី ចំនួន ៣ កេះតូច សំពត់សាដក ចំនួន ១ កញ្ចប់ តែ ចំនួន ១ យួរសៀង ចំនួន ៣ គីឡូក្រាម ទឹកសុទ្ធ ចំនួន ៣ កេះ ទឹកផ្លែឈើ ចំនួន ៣ កេះ ដោយមានការចូលរួមក្រុមការងារ និងអជ្ញាធរភូមិ-ឃុផងដែរ។