ឯកឧត្តម ហាក់ សុខមករា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅ ព្រមទាំងកោតសរសើរចំពោះមន្ត្រីរាជការ កងកម្លាំង មន្ត្រីប្រតិបត្តិសាខា យុវជន និងអ្នកស្ម័គ្រចិត្ត ដែលបានលះបង់ពេលវេលា និងកម្លាំងកាយចិត្តចូលរួមក្នុងយុទ្ធនាការដ៏មានសារៈសំខាន់នេះ។
(ឃុំដំណាក់រាំង)៖ នៅព្រឹកថ្ងៃព្រហស្បតិ៍ ១២រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែតុលា ឆ្នាំ២០២៦ ឯកឧត្តម ឈួរ សុបញ្ញា រួមជាមួយថ្នាក់ដឹកនាំក្រុមការងាររាជរដ្ឋាភិបាលចុះមូលដ្ឋានឃុំដំណាក់រាំង និងអាជ្ញាធរឃុំដំណាក់រាំងចូលរួមកាន់វេនបិណ្ឌទី១២ ជាមួយព្រះសង្ឃ និងបងប្អូនពុទ្ធបរិស័ទមកពីភូមិទាំង៣ (ដំណាក់រាំងរាំង ត្រពាំងវែង ក្រាំងខ្នុរ) ចំណុះជើងវត្តធម្មបញ្ញាមហាព្រហ្ម។ ក្នុងឱកាសប្រកបដោយសទ្ធាជ្រះថ្លានេះ ថ្នាក់ដឹកនាំ និងក្រុមការងារ បាននាំយកនូវបច្ច័យកសាង និងទេយ្យទានមួយចំនួនប្រគេនជូនព្រះសង្ឃ រួមមាន៖ បច្ច័យសម្រាប់កសាងវត្ត អង្ករ ចំនួន ៥០ គីឡូក្រាម មី ចំនួន ៣ កេះតូច សំពត់សាដក ចំនួន ១ កញ្ចប់ តែ ចំនួន ១ យួរសៀង ចំនួន ៣ គីឡូក្រាម ទឹកសុទ្ធ ចំនួន ៣ កេះ ទឹកផ្លែឈើ ចំនួន ៣ កេះ ដោយមានការចូលរួមក្រុមការងារ និងអជ្ញាធរភូមិ-ឃុផងដែរ។
កំពង់ស្ពឺ៖ នាព្រឹកថ្ងៃទី៨ ខែតុលា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិសង្កាត់ ឆ្នាំ២០២៦ ប្រព្រឹត្តទៅនៅសាលាឃុំរស្មីសាមគ្គី ក្រោមអធិបតីភាព លោក យឿង ភឿន មេឃុំរស្មីសាមគ្គី និងជាប្រធានគណៈកម្មការលទ្ធកម្ម និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។
កំពង់ស្ពឺ៖ ថ្ងៃទី០៨ ខែតុលា ឆ្នាំ២០២៦ លោកបណ្ឌិត តូច ប៉ូលីវ៉ា អភិបាលរង នៃគណៈអភិបាលខេត្ដកំពង់ស្ពឺ តំណាងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត បានអញ្ជើញជាគណៈអធិបតីក្នុងពិធីប្រកាសចូលកាន់មុខតំណែង អភិបាលរង នៃគណៈអភិបាលក្រុងច្បារមន ត្រូវបានប្រកាសតែងតាំង លោកស្រី ទូច ថារី ឋានន្តរសក្តិវរមន្រ្តីថ្នាក់លេខ១ ជាអភិបាលរង នៃគណៈអភិបាលក្រុងច្បារមន ខេត្តកំពង់ស្ពឺ ជំនួសលោកស្រី ប៉ែន សុខុម ត្រូវបានផ្ទេរភារកិច្ច ដែលពិធីនេះធ្វើឡើងនៅសាលប្រជុំ នៃអាគាររដ្ឋបាលក្រុងច្បារមន ។
កំពង់ស្ពឺ៖ ថ្ងៃទី៨ ខែតុលា ឆ្នាំ២០១៦សាខាកាកបាទក្រហមកម្ពុជា ខេត្តកំពង់ស្ពឺ សហការជាមួយកាកបាទក្រហមកម្ពុជា និងមន្ទីរសាធារណៈការ និងដឹកជញ្ជូនខេត្ត បានរៀបចំធ្វើយុទ្ធនាការអប់រំផ្សព្វផ្សាយស្តីពីសុវត្ថិភាពចរាចរណ៍ ដល់សាធារណៈជនទូទៅក្នុងខេត្តកំពង់ស្ពឺ នាឱកាសបុណ្យភ្ជុំបិណ្ឌខាងមុខនេះ ក្រោមអធិបតីភាព ឯកឧត្តម ឃុន សាម៉េង នាយក នាយកដ្ឋានធនធានមនុស្សកាកបាទក្រហមកម្ពុជា តំណាងដ៏ខ្ពង់ខ្ពស់លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា លោកស្រី ប៉ោក សេដ្ឋា អនុប្រធានអចិន្ត្រៃយ៍គណៈកម្មាធិការសាខា និងមានការអញ្ជើញចូលរួមពីមន្ត្រីសាខា-អនុសាខាក្រុងច្បារមន មន្ទីរអង្គភាពជុំវិញខេត្ត នគរបាលចរាចរណ៍ យុវជនកាកបាទក្រហម អ្នកស្ម័គ្រចិត្ត កាយារិទ្ធ និងយុវជន ស. ស. យ .ក. សរុបចំនួន ៩០នាក់ ស្ថិតនៅវិមានឯករាជ្យខេត្តកំពង់ស្ពឺ ។
