កំពត៖ នាព្រឹកថ្ងៃទី៦ ខែសីហា ឆ្នាំ២០២៦ ថ្នាក់ដឹកនាំ និងមន្ត្រីរាជការស្រុកទឹកឈូ បានអញ្ជើញចូលរួមដោយផ្ទាល់ ក្នុងពិធីបិទឆ្នាំសិក្សា និងប្រគល់បណ្ណសរសើរជូនដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន ត្រសេកកោង ស្ថិតក្នុងស្រុកទឹកឈូ ដើម្បីលើកទឹកចិត្តដល់លោកគ្រូ អ្នកគ្រូ ដែលមានស្នាដៃល្អ និងអបអរសាទរចំពោះការខិតខំប្រឹងប្រែងសិក្សារបស់សិស្សានុសិស្សពេញមួយឆ្នាំសិក្សាកន្លងមក។

កំពត៖ មន្ទីរទេសចរណ៍ខេត្តកំពត បានចុះផ្សព្វផ្សាយសេចក្តីណែនាំស្តីពីការរក្សាតម្លៃសេវាស្នាក់នៅ និងម្ហូបអាហារ ដល់ប្រតិបត្តិករទេសចរណ៍សរុបចំនួន ១៨៥ កន្លែង នៅក្នុងខេត្តកំពត តាមរយៈការចុះផ្ទាល់ និងប្រព័ន្ធតេឡេក្រាម ដើម្បីទប់ស្កាត់ការឡើងថ្លៃហួសហេតុ និងសម្រួលដល់ការស្នាក់នៅរបស់បេក្ខជន ព្រមទាំងអាណាព្យាបាល ក្នុងកំឡុងពេលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦។

កំពត៖ រដ្ឋបាលសង្កាត់អណ្ដូងខ្មែរ បានចុះសួរសុខទុក្ខ និងចូលរួមរំលែកទុក្ខដោយនាំយកអំណោយ និងថវិកាទៅប្រគល់ជូន ដល់គ្រួសារសពប្រជាពលរដ្ឋចំនួន ២ គ្រួសារ ដើម្បីបង្ហាញពីស្មារតីសាមគ្គីភាព ការយកចិត្តទុកដាក់ និងការចែករំលែកទុក្ខលំបាកជាមួយប្រជាពលរដ្ឋក្នុងមូលដ្ឋាន ស្របតាមទំនៀមទម្លាប់ និងវប្បធម៌ខ្មែរ តាមរយៈការចុះផ្ទាល់ដល់ទីលំនៅដ្ឋាននៃគ្រួសារសព នៅព្រឹកថ្ងៃទី០៦ ខែសីហា ឆ្នាំ២០២៦ នេះ។

កំពត៖ នាថ្ងៃទី ០៦ ខែសីហា ឆ្នាំ២០២៦ ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្ត្រមណ្ឌលកំពត ប្រធានគណៈកម្មការទី១០ នៃរដ្ឋសភា និងជាប្រធានក្រុមការងារថ្នាក់កណ្តាលចុះជួយខេត្តកំពត បានអញ្ជើញជាអធិបតីក្នុងពិធីសំណេះសំណាលជាមួយសាស្ត្រាចារ្យ លោកគ្រូ អ្នកគ្រូ និងសិស្សានុសិស្សថ្នាក់ទី១២ មកពីវិទ្យាល័យនានា ៤ស្រុក ស្រុកឈូក ស្រុកដងទង់ ស្រុកជុំគីរី និងអង្គរជ័យ ដែលត្រូវត្រៀមប្រឡងសញ្ញាប័ត្រមធ្យមសិក្សាទុតិយភូមិ ឆ្នាំសិក្សា២០២៥-២០២៦ សម័យប្រឡង ១០ សីហា ២០២៦ ខាងមុខនេះ។

កំពត៖ រដ្ឋបាលក្រុងកំពត បានចេញសេចក្តីជូនដំណឹងស្នើសុំឱ្យម្ចាស់អាជីវកម្មថតចម្លងឯកសារគ្រប់ប្រភេទក្នុងភូមិសាស្ត្រក្រុង ផ្អាកការធ្វើអាជីវកម្មបណ្ដោះអាសន្ន នៅតាមទីតាំងអាជីវកម្មក្នុងក្រុងកំពត រយៈពេល ៣ថ្ងៃ ចាប់ពីថ្ងៃទី៩ ដល់ថ្ងៃទី១១ ខែសីហា ឆ្នាំ២០២៦ ក្នុងគោលបំណង ចូលរួមចំណែករៀបចំសណ្ដាប់ធ្នាប់សាធារណៈ និងការពារសន្តិសុខ ក្នុងអំឡុងពេលដំណើរការប្រឡងសញ្ញាបត្រមធ្យមសិក្សាទុតិយភូមិ ដោយ អំពាវនាវឱ្យអាជីវករទាំងអស់ចូលរួមអនុវត្តតាមខ្លឹមសារជូនដំណឹងនេះដោយស្មារតីទទួលខុសត្រូវខ្ពស់។

កំពត៖ នៅព្រឹកថ្ងៃទី៦ ខែសីហា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញជួបសំណេះសំណាលជាមួយប្រជាពលរដ្ឋ និងក្រុមអ្នកផលិតអំបិលអាស្រ័យផល នៅមណ្ឌលបឹងរូងទី១ ស្ថិតក្នុងភូមិជុំគ្រៀល ឃុំជុំគ្រៀល ស្រុកទឹកឈូ ដើម្បីពិភាក្សាអំពីផែនការរៀបចំដីសាងសង់អគារទីស្នាក់ការសមាគមអតីតយុទ្ធជនកម្ពុជា ខេត្តកំពត ដោយនៅក្នុងជំនួបនោះ ក្រុមអ្នកផលិតអំបិលបានស្ម័គ្រចិត្តប្រគល់ដីជូនរដ្ឋបាលខេត្តប្រកបដោយស្មារតីសប្បុរសធម៌។