កំពង់ស្ពឺ÷ ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦-លោកស្រី សៀក សុខកល អភិបាលរងស្រុក តំណាងលោក ហន ពិសិដ្ឋ អភិបាល នៃគណៈអភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកគងពិសី រួមជាមួយក្រុមការងារ បានអញ្ជើញចូលរួមសាខាកាកបាទក្រហមខេត្តកំពង់ស្ពឺ អញ្ជើញចុះសួរសុខទុក្ខលោកតា យឹម អាត មានជំងឺរាំរៃខ្វិនជើងទាំងសងខាង នៅភូមិត្រពាំងក្រឡាញ់ ឃុំព្រៃញាតិ ស្រុកគងពិសី ខេត្តកំពង់ស្ពឺ។ សម្ភារៈរួមមាន៖ អង្ករ ២៥គីឡូក្រាម មី ១កេស ត្រីខ ១យួរ ទឹកត្រី ១យួរ ទឹកស៊ីអ៊ីវ ១យួរ ប្រេងឆា ១ដប និងថវិកាចំនួន ២០,០០០រៀល។

កំពង់ស្ពឺ÷ ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ -លោក ហន ពិសិដ្ឋ អភិបាល នៃគណៈអភិបាលស្រុក និងជាប្រធានគណៈកម្មាធិការគណបក្សស្រុកគងពិសី រួមជាមួយលោកអនុប្រធានគណបក្សស្រុក លោក លោកស្រី ថ្នាក់ដឹកនាំគណបក្សស្រុក ឃុំ  បានអញ្ជើញនាំយកសម្ភារៈ និងថវិកា សួរសុខទុក្ខលោក ស្វាយ ខុន សមាជិកក្រុមប្រឹក្សាឃុំស្នំក្រពើ ស្រុកគងពិសី  ដែលមានជំងឺកំពុងសម្រាកព្យាបាលនៅផ្ទះ ស្ថិតនៅភូមិត្រាំខ្នារ នៅឃុំស្នំក្រពើ ស្រុកគងពិសី ខេត្តកំពង់ស្ពឺ។

ពិធីចែកអំណោយមនុស្សធម៌ជូនប្រជាពលរដ្ឋ រងគ្រោះចំនួន ៣០០គ្រួសារ នៅស្រុកគងពិសី

កំពង់ស្ពឺ៖ ថ្ងៃទី៦ ខែសីហា ឆ្នាំ២០២៦--- ឯកឧត្តម យឹម សុខុម ប្រធានក្រុមប្រឹក្សាខេត្ត និង ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ អញ្ជើញជាអធិបតីភាពក្នុងកិច្ចប្រជុំ សាមញ្ញលើកទី២៧ អាណត្តិទី៤ របស់ក្រុមប្រឹក្សាខេត្ត។ កិច្ចប្រជុំនេះបានប្រព្រឹត្តទៅនៅសាលប្រជុំសាលាខេត្តកំពង់ស្ពឺ ដោយមានការអញ្ជើញចូលរួមពី ឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត លោកអភិបាលរងខេត្ត លោក-លោកស្រី ប្រធានមន្ទីរ-អង្គភាពជុំវិញខេត្ត កងកម្លាំងទាំង៣ ព្រមទាំងលោកអភិបាល អភិបាលរងក្រុង-ស្រុកទាំង ៩។

កំពង់ស្ពឺ÷ សន្តិសុខ ជូនប្រតិភូអនុរដ្ឋមន្ត្រីការពារ ប្រទេស នៃសាធារណរដ្ឋសង្គមនិយមវៀតណាម នៅថ្ងៃទី១៤ ខែសីហា ឆ្នាំ២០២៦។ សូមជម្រាបជូន លោក លោកស្រី មេត្តាជ្រាបថា រដ្ឋបាលខេត្ត នឹងរៀបចំកិច្ចប្រជុំត្រៀមផែនការការពារ សន្តិសុខ ជូនប្រតិភូអនុរដ្ឋមន្ត្រីការពារប្រទេស នៃសាធារណរដ្ឋ សង្គមនិយមវៀតណាម ក្រោមអធិបតីភាព ឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្ត ដែលកិច្ចប្រជុំនេះប្រព្រឹត្តិទៅនៅថ្ងៃទី៦ ខែសីហា ឆ្នាំ២០២៦ នៅសាលប្រជុំ គិរីរម្យ ជាន់ផ្ទាល់ដី អគាររដ្ឋបាលខេត្ត។

កំពង់ស្ពឺ÷ កិច្ចប្រជុំនេះប្រព្រឹត្តទៅក្រោមគណៈអធិបតីភាពឯកឧត្តម យឹម សុខុម ប្រធានក្រុមប្រឹក្សា ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងសមាសភាពអ្នកចូលរួមសមាជិក-សមាជិកាក្រុមប្រឹក្សាខេត្ត, អភិបាលរងខេត្ត, ប្រធានមន្ទីរ-អង្គភាពជុំវិញខេត្ត, កងកម្លាំងទាំង៣ និងអភិបាល-អភិបាលរងក្រុង/ស្រុកទាំង ៩។