កំពង់ស្ពឺ៖ ថ្ងៃទី០២ ខែសីហា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់គម្រោងបំបែកខ្យល់ទ្រង់ទ្រាយធំ របស់ក្រុមហ៊ុន ជីនឌីង អ៊ែរលីគ្វីហ្វេកសិន (ខេមបូឌា) ឯ.ក (Jinding Air Liquefaction (Cambodia) Co., Ltd.) ដែលជាសហគ្រាសវិនិយោគដ៏ធំមកពីប្រទេសចិន។ ដែលស្ថិតនៅ តំបន់សេដ្ឋកិច្ចពិសេស ជឺន ឆឹង អុិនធឺណេសិនណល ក្នុងស្រុកភ្នំស្រួច ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ប្រធានមន្ទីរ-អង្គភាពជុំវិញខេត្ត គណៈគ្រប់គ្រងសួនឧស្សាហកម្ម ដៃគូសហការ តំណាងក្រុមហ៊ុនសាងសង់ ក្រុមហ៊ុនដំឡើងនានា ព្រមទាំងសហការី និងភ្ញៀវកិត្តិយសជាច្រើនរូបផងដែរ។

កំពង់ស្ពឺ៖ នាថ្ងៃទី៣១ ខែកក្កដា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំសង្កែសាទប និង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាឃុំសង្កែសាទប ក្រោមអធិបតីភាព លោក ណន សារុន មេឃុំសង្កែសាទប និងលោក ទេព ណែម  និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

នាព្រឹកថ្ងៃទី៣១ ខែកក្កដា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំសង្កែសាទប និង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាឃុំសង្កែសាទប ក្រោមអធិបតីភាព លោក ណន សារុន មេឃុំសង្កែសាទប និងលោក ទេព ណែម  និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ ថ្ងៃទី៣០ ខែកក្កដា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញទទួលជួបសម្តែងការគួរសម និងពិភាក្សាការងារជាមួយ លោក ចេន ចុងហួយ (Chen Zhonghui) ប្រធានក្រុមហ៊ុន JINDING AIR LIQUEFACTION (CAMBODIA) CO., LTD. នៅសាលាខេត្តកំពង់ស្ពឺ។

កំពង់ស្ពឺ÷ ក្រោមការចង្អុរបង្ហាញដើម្បីសម្រួលដល់បងប្អូនប្រជាពលរដ្ឋពីសំណាក់ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណ: និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ និងឯកឧត្ដមបណ្ឌិត ជាម ច័ន្ទសោភ័ណ អភិបាល នៃគណ:អភិបាលខេត្តកំពង់ស្ពឺ អនុប្រធានប្រចាំការក្រុមការងារដឹកនាំយុទ្ធនាការដោះស្រាយ និងផ្ដល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋក្នុងក្របខណ្ឌខេត្តកំពង់ស្ពឺ នៅថ្ងៃអាទិត្យ ១២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែកក្កដា ឆ្នាំ២០២៦

កំពង់ស្ពឺ៖ ថ្ងៃទី២២ ខែកក្កដា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានជំរុញ និងស្នើដល់ក្រុមហ៊ុន Metfone ឱ្យជួយពង្រីកប្រព័ន្ធសេវាអ៊ីនធឺណិត និងទូរស័ព្ទឱ្យបានទូលំទូលាយនៅក្នុងមូលដ្ឋានខេត្ត ជាពិសេសនៅតាមគោលដៅសំខាន់ៗ ក៏ដូចជាប្រជាពលរដ្ឋតាមជនបទដាច់ស្រយាល និងតំបន់រមណីយដ្ឋានទេសចរណ៍នានា ដើម្បីទាក់ទាញភ្ញៀវទេសចរ និងសម្រួលដល់ការទំនាក់ទំនង ស្របទៅតាមការប្រើប្រាស់បច្ចេកវិទ្យាកំពុងដើរតួនាទីយ៉ាងសំខាន់ និងការដាក់ឱ្យដំណើរការជាផ្លូវការនូវ បណ្តាញសេវាទូរសព្ទចល័តជំនាន់ទី៥ (5G) នៅក្នុងខេត្ត។ ឯកឧត្តមបានថ្លែងបែបនេះគ្រាដែលឯកឧត្តមបាន អនុញ្ញាតឱ្យលោក ថៀវ​ វ៉ាន់​ ណាម (Thiều Văn Nam) នាយកសាខា Metfone ខេត្តកំពង់ស្ពឺ តំណាងក្រុមហ៊ុន Metfone ចូលជួបសម្តែងការគួរសម និងណែនាំខ្លួនជាផ្លូវការ និងពិភាក្សាការងារ ក្នុងឱកាសដែលលោកទទួលភារកិច្ចបំពេញការងារនៅខេត្តកំពង់ស្ពឺ។