ថ្នាក់ដឹកនាំខេត្តព្រះវិហារ ជំរុញឱ្យយុវសិស្សរួមគ្នាបណ្តុះវប្បធម៌ «គិត ផ្ទៀងផ្ទាត់ និងទទួលខុសត្រូវ» ដើម្បីកសាងពលរដ្ឋឌីជីថល និងវាយបកព័ត៌មានក្លែងក្លាយ ក្នុងយុទ្ធនាការជំហានទី២ នៅស្រុកគូលែន!
ការលើកកម្ពស់អក្ខរកម្មព័ត៌មាន និងឌីជីថល គឺជាកិច្ចការដ៏ចាំបាច់សម្រាប់សិស្សានុសិស្សក្នុងសតវត្សរ៍ទី២១ ក្នុងការឈានទៅកសាង «ពលរដ្ឋឌីជីថល» ប្រកបដោយសមត្ថភាព និងសីលធម៌។ ទន្ទឹម នេះលោកអភិបាលរងខេត្ត ក៏បានជំរុញ និងណែនាំឱ្យក្មួយៗយុវជនត្រូវខិតខំរៀនសូត្រ ប្រើប្រាស់បច្ចេកវិទ្យាក្នុងផ្លូវវិជ្ជមាន និងរួមគ្នាក្លាយជាភ្នាក់ងារផ្សព្វផ្សាយបន្តនៅក្នុងគ្រួសារ និងសហគមន៍ ដើម្បីរួមចំណែកជាមួយរាជរដ្ឋាភិបាល ក្នុងការបោសសម្អាតព័ត៌មានបំពុល និងការពារសន្តិសុខសង្គមជាតិទាំងមូលឱ្យបានគង់វង្ស។
