កំពង់ស្ពឺ÷ គិតត្រឹមម៉ោង ៧:៣០នាទីយប់ ស្ថានភាពអគ្គិភ័យឆាបឆេះអគារស្តុកក្រណាត់ និងវត្ថុធាតុដើម ទំហំ 40 m X 80m នៅក្រុមហ៊ុន វ៉ាយ ធី ស៊ី ខបប៉ូរេសិនត្រូវបានពន្លត់ទាំងស្រុង។ សូមអរគុណ កងកម្លាំងបង្ការពន្លត់អគ្គិភ័យ អជ្ញាធរមានសមត្ថកិច្ច និងជាពិសេសបងប្អូនកម្មករ និយោជិតទាំងអស់ ដែលបានរួមដៃគ្នាទប់ស្កាត់មិនអោយរាលដាលដល់អគារ ៤ ផ្សេងទៀត។ ⏩️ ថ្ងៃស្អែក ក្រុមអន្តរាគមន៍ដោះស្រាយ ក្រសួង មន្ទីរការងារខេត្ត នឹងចុះមកពិនិត្យ និងពិភាក្សាជាមួយតំណាងក្រុមហ៊ុនចំពោះការរៀបចំដំណើរការឡើងវិញ សូមបងប្អូនកុំមានការព្រួយបារម្មណ៍🙏។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោក អោក សារិន សមាជិកក្រុមប្រឹក្សាឃុំ តំណាងលោកមេឃុំព្រះនិព្វាន្ត និងក្រុមការងារឃុំ បាននាំយកសម្ភារ និងថវិកាសួរសុខទុក្ខគ្រួសារក្រីក្រមានជីវភាពខ្វះខាតចំនួន ២គ្រួសារ រួមមាន ១.ឈ្មោះ ម៉ុក ម៉េង (ប្រុស អាយុ ៥៣ឆ្នាំ) និង ២.ឈ្មោះ មឿង ម៉ុត (ស្រី អាយុ ៦៧ឆ្នាំ) នៅភូមិគរ ឃុំព្រះនិព្វាន្ត ដោយក្នុងមួយគ្រួសារៗទទួលបាន៖ អង្ករ ១០គីឡូក្រាម, មី ១កេស, ទឹកត្រី ១យួរ, ទឹកស៊ីអ៊ីវ ១យួរ, សាប៊ូ ២ដុំ និងថវិកា ៥០,OOOរៀល។ ទន្ទឹមនឹងនោះ លោក ខៀវ ស៊ីផា សមាជិកក្រុមប្រឹក្សាឃុំ តំណាងលោកមេឃុំព្រះនិព្វាន្ត ក៏បាននាំយកថវិការបស់រដ្ឋបាលឃុំទៅចូលរួមបុណ្យសពប្រជាពលរដ្ឋចំនួន ២គ្រួសារ រួមមាន៖ គ្រួសារសពលោក ហែម វ៉ាត (ភូមិកញ្ច្រប់) ចំនួន ៤០០,OOOរៀល និងគ្រួសារសពលោក ម៉ៅ សុផាត (ភូមិភានសា) ចំនួន ៤០០,OOOរៀល សរុបថវិកាចូលរួមបុណ្យចំនួន ៨០០,OOOរៀល ផងដែរ។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោក ភួង ភស្ស សមាជិកសាខាបក្សភូមិកញ្ច្រប់ បាននាំយកថវិការបស់ឯកឧត្តម ហួត ស៊ីដេវីត ប្រធានក្រុមការងារគណបក្សចុះមូលដ្ឋានភូមិកញ្ច្រប់ ចំនួន ១០០,OOOរៀល ទៅចូលរួមរំលែកទុក្ខគ្រួសារសពប្រជាពលរដ្ឋឈ្មោះ ហែម វ៉ាត ភេទប្រុស អាយុ ៨២ឆ្នាំ ដែលបានទទួលមរណភាពដោយរោគាពាធ នៅភូមិកញ្ច្រប់ ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោក អោក សារិន ប្រធានស្តីទីគណបក្សឃុំព្រះនិព្វាន្ត បាននាំយកថវិការបស់ឯកឧត្តម ស្រូយ សុជាតិ ប្រធានក្រុមការងារគណបក្សចុះមូលដ្ឋានភូមិភានសា ចំនួន ២០០,OOOរៀល ទៅចូលរួមរំលែកទុក្ខក្នុងពិធីបុណ្យសពគ្រួសារសពប្រជាពលរដ្ឋឈ្មោះ ម៉ៅ សុផាត អាយុ ៦៩ឆ្នាំ ស្ថិតនៅភូមិភានសា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។

កំពង់ស្ពឺ÷ នាថៃ្ងអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ រសៀល លោក ហេង ស៊ីណា សមាជិកគណៈកម្មាធិការគណបក្សស្រុក អនុប្រធានយុវជនគណបក្សស្រុក និងជាអនុប្រធានក្រុមការងារស្រុកចុះមូលដ្ឋានឃុំព្រៃញាតិ តំណាងលោក ហន ពិសិដ្ឋ ប្រធានយុវជនគណបក្សស្រុក និងជាប្រធានគណបក្សប្រជាជនកម្ពុជាស្រុកគងពិសី ដោយមានការនិមន្តចូលរួមពីព្រះតេជគុណចៅអធិការវត្តអង្គតាភេម លោក ប៉ែន គីម អនុប្រធានយុវជន យុវជនស្រុក-ឃុំ និងលោកមេភូមិ បានចុះសួរសុខទុក្ខ និងនាំយកសម្ភារ និងថវិកាឧបត្ថម្ភជូនគ្រួសារជួបការលំបាកចំនួន ០២គ្រួសារ ស្ថិតនៅភូមិដូង និងភូមិព្នៅ ឃុំព្រៃញាតិ ស្រុកគងពិសី ខេត្តកំពង់ស្ពឺ។ ដោយក្នុងមួយគ្រួសារៗទទួលបាន៖ អង្ករ ២៥គីឡូក្រាម, ទឹកសុទ្ធ ១កេស, មី ១កេស, ទឹកត្រី ១យួរ, ទឹកស៊ីអ៊ីវ ១យួរ, ខ្ទឹមស ១គីឡូ, ស្ករស ១គីឡូ, ប៊ីចេង ១កញ្ចប់, ម្រេច ១កញ្ចប់ និងថវិកាចំនួន ៤០,OOOរៀល។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ ឯកឧត្តម លី ណាវុឌ្ឍ អនុប្រធានក្រុមការងារគណបក្សចុះជួយស្រុកគងពិសី បានអញ្ជើញចុះសួរសុខទុក្ខ និងចូលរួមអបអរសាទរអ្នកគ្រូ ព្រឿង ស្រីអូន បង្រៀននៅបឋមសិក្សាស្វាយចារ (ភូមិស្ដុក ឃុំស្ដុក) ដែលបានសម្រាលបានកូនប្រុស ១នាក់ ឈ្មោះ សំ សែនបញ្ញាសិទ្ធ កាលពីថ្ងៃទី១៦ ខែតុលា ឆ្នាំ២០២៦។ បច្ចុប្បន្នអ្នកគ្រូកំពុងសម្រាកលំហែមាតុភាពនៅគេហដ្ឋាន ស្ថិតក្នុងភូមិត្រពាំងអំពិល ឃុំមហាឬស្សី ស្រុកគងពិសី ខេត្តកំពង់ស្ពឺ។ ក្នុងឱកាសនោះ ឯកឧត្តម លី ណាវុឌ្ឍ បានផ្តល់ជូនវត្ថុអនុស្សាវរីយ៍រួមមាន ឃីតទារកប៉ាម៉ានី នំស្រួយលីលី ព្រមទាំងថវិកាមួយចំនួនជូនដល់អ្នកគ្រូផងដែរ។