មន្ទីរកសិកម្មខេត្តប៉ៃលិន បើកវគ្គបណ្តុះបណ្តាលស្តីពីការផលិតជីកំប៉ុស្តទឹក និងគោក ជូនដល់កសិករស្រុកសាលាក្រៅ ដើម្បីកាត់បន្ថយថ្លៃដើមផលិតកម្ម

ប៉ៃលិន៖ នាថ្ងៃទី២២ ខែតុលា ឆ្នាំ២០២៦ ការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន បានរៀបចំវគ្គបណ្តុះបណ្តាលស្តីពីការផលិតជីកំប៉ុស្តទឹក និងជីកំប៉ុស្តគោក សម្រាប់ដំណាំបន្លែ និងឈើហូបផ្លែ នៅភូមិកំពង់ចម្លងក្រោម ឃុំសាលាក្រៅ ស្រុកសាលាក្រៅ ដោយមានកសិករចូលរួមសរុបចំនួន ៣២នាក់ (ស្រី ១៥នាក់) ដើម្បីពង្រឹងសមត្ថភាពលើការកែច្នៃវត្ថុធាតុដើមក្នុងស្រុក និងកាត់បន្ថយការចំណាយក្នុងមុខរបរកសិកម្ម។