នាព្រឹកថ្ងៃទី ២០ ខែតុលា ឆ្នាំ ២០២៦ រដ្ឋបាលខេត្តព្រះវិហារ បានរៀបចំកិច្ចប្រជុំបូកសរុបលទ្ធផលការងារនៃការអនុវត្តនយោបាយ "ភូមិ ឃុំ សង្កាត់ មានសុវត្ថិភាព" ៩ ខែ ឆ្នាំ២០២៦ និងលេីកទិសដៅអនុវត្តបន្ត ក្រោមអធិបតីភាព ឯកឧត្តម អ៊ុ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានក្រុមការងារត្រួតពិនិត្យ និងជំរុញការអនុវត្តគោលនយោបាយ "ភូមិ ឃុំ សង្កាត់មានសុវត្ថិភាព " ស្ថិតក្នុងសមត្ថកិច្ចក្រសួងមហាផ្ទៃនៅថ្នាក់ក្រោមជាតិ ។

នៅព្រឹកថ្ងៃទី ២០ ខែតុលាឆ្នាំ ២០២៦ រដ្ឋបាលខេត្តព្រះវិហារ បានរៀបចំកិច្ចប្រជុំពិនិត្យវឌ្ឍនភាពការងារការអនុវត្តផែនការគោលនយោបាយលេខ ០០៣ ផក ចុះថ្ងៃទី ១១ ខែ មិថុនា ឆ្នាំ២០២៦ របស់ក្រសួងមហាផ្ទៃ ស្តីពីវិធានការយុទ្ធសាស្រ្តសំខាន់ៗ និងយន្តការដឹកនាំបញ្ជាក្នុងក្របខណ្ឌ ក្រសួងមហាផ្ទៃ ក្រោមអធិបតីភាព ឯកឧត្តម អ៊ុ ម៉ារ៉ា រដ្ឋលេខាធិការក្រសួងមហាផ្ទៃ។

នាថ្ងៃទី ១៩ ខែតុលា ឆ្នាំ២០២៦ ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ អញ្ជើញសំណេះសំណាល និងនាំយកអំណោយជាគ្រឿងឧបភោគបរិភោគ ព្រមទាំងថវិកា ជូនដល់កងពលតូចអន្តរាគមន៍លេខ៧ និងកងពលតូចអន្តរាគមន៍លេខ៨ ដើម្បីជាការដឹងគុណ និងលើកទឹកចិត្តដល់កងកម្លាំងប្រដាប់អាវុធដែលកំពុងបំពេញបេសកកម្មការពារបូរណភាពទឹកដី ស្ថិតនៅគេហដ្ឋានរបស់ឯកឧត្តមផ្ទាល់។

ការប្រឡងប្រជែងបច្ចេកទេស និងគុណភាពចៀរជ័រកៅស៊ូក្នុងចំណោមកម្លាំងពលកម្មមូលដ្ឋាន បានប្រព្រឹត្តទៅយ៉ាងស្វាហាប់ និងរស់រវើក ក្នុងកម្មវិធី «ប្រឡងបាតដៃមាសលើកទី២ ឆ្នាំ២០២៦» របស់ក្រុមហ៊ុន ឬទ្ធី គ្រុប កាលពីព្រឹកថ្ងៃទី១៦ ខែតុលា ឆ្នាំ២០២៦ នៅភូមិជីអោក ឃុំរម្មណីយ ស្រុករវៀង ខេត្តព្រះវិហារ។ ពិធីនេះប្រព្រឹត្តទៅក្រោមអធិបតីភាព ឯកឧត្តម គីម រិទ្ធី អភិបាលខេត្តព្រះវិហារ និងមានការចូលរួមពីមន្ត្រីជំនាញកសិកម្ម គណៈគ្រប់គ្រងក្រុមហ៊ុនកៅស៊ូដៃគូ ព្រមទាំងបងប្អូនកម្មករនិយោជិត ដែលកំពុងបំពេញការងារយ៉ាងសកម្មក្នុងចម្ការកៅស៊ូនៃតំបន់នេះ។

នាព្រឹកថ្ងៃទី១៦​ ខែតុលា​ ឆ្នាំ២០២៦​ មានរៀបចំ​ សិក្ខាសាលា ផ្សព្វផ្សាយព្រះរាជក្រឹត្យ ស្តីពីលក្ខន្តិកៈ​ នៃអង្គគ្រូបង្រៀន ជូនបុគ្គលិកអប់រំ​ ក្នុងស្រុករវៀង​ ក្រោម​អធិបតីភាព​ ឯកឧត្ដម​ គីម​ រិទ្ធី​ អភិបាលនៃគណៈអភិបានខេត្តព្រះវិហារ​ ព្រមទាំងមានការអញ្ជេីញចូលរួមពីសំណាក់​  អភិបាលរងខេត្ត​ ប្រធាន​ អនុប្រធាន​មន្ទីរ​ជុំវិញខេត្ត កងកម្លាំង​ប្រដាប់អាវុធ​ អភិបាលស្រុករវៀង​  លោក-លោកស្រី នាយក នាយិកា លោកគ្រូ អ្នកគ្រូ និង សិក្ខាកាមជាច្រេីនរូបទៀត​ នៅសាលប្រជុំសាលាស្រុករវៀង។

នៅថ្ងៃទី១៥ ខែតុលា ឆ្នាំ២០២៦ នៅសាលប្រជុំប្រាសាទព្រះវិហារ អគាររដ្ឋបាលសាលាខេត្តជាន់ទី៣ មានរៀបចំពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” គម្រប់ខួប ១៤ឆ្នាំ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ​ និងឯកឧត្តម គីម រិទ្ធី អភិបាលខេត្តព្រះវិហារ ដែល​អង្គពិធី​នេះ​ក៏មាន​ការ​អញ្ជើញ​ចូលរួម​ពី​សំណាក់​ឯកឧត្តម​ លោកជំទាវ​ ជា​សមាជិក​ក្រុម​ប្រឹក្សា​ខេត្ត​ លោក លោកស្រីជា​អភិបាល​រង​ខេត្ត​ កងកម្លាំង​ទាំង​បី ថ្នាក់​ដឹកនាំ​ ​មន្ទីរ អង្គភាព ជុំវិញ​ខេត្ត​ អភិបាល​និង​ប្រធាន​ក្រុម​ប្រឹក្សា​ក្រុង​ស្រុក​ទាំង​ប្រាំបី​ មន្ត្រី​រាជការ​ សហភាព​សហព័ន្ធ​យុវជន​កម្ពុជា ព្រម​ទាំង​លោក​យាយ​ជី​ជា​ច្រើន​រូប។