សាខាកាកបាទក្រហមកម្ពុជាខេត្តកណ្ដាល បាននាំយកអំណោយមនុស្សធម៌ចែកជូនប្រជាពលរដ្ឋ ១៨៦គ្រួសារ ដែលបានរងផលប៉ះពាល់ដោយជំនន់ទឹកភ្លៀង នៅស្រុកពញាឮ

អភិបាលខេត្តកណ្តាល ចុះពិនិត្យស្ថានភាពជំនន់ទឹកភ្លៀង និងជំរុញការរំដោះទឹក នៅស្រុកពញាឮ

ឯកឧត្តម គួច ចំរើន បានផ្ដាំផ្ញើនូវការសាកសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះប្រជាពលរដ្ឋរងគ្រោះដោយក្ដីនឹករលឹក និងអាណិតអាសូរជាទីបំផុត។ ឯកឧត្តម គួច ចំរើន បានបញ្ជាក់ថា ទុក្ខលំបាករបស់ប្រជាពលរដ្ឋ គឺជាក្តីកង្វល់របស់ថ្នាក់ដឹកនាំគ្រប់លំដាប់ថ្នាក់ ដែលត្រូវយកចិត្តទុកដាក់ និងស្វែងរកដំណោះស្រាយជាក់ស្តែង បើទោះបីជាការនាំយកអំណោយមនុស្សធម៌មកចែកជូននាពេលនេះ មិនអាចដោះស្រាយការលំបាករបស់ប្រជាពលរដ្ឋបានទាំងស្រុងក៏ដោយ ប៉ុន្តែជាការចូលរួមចំណែកជួយសម្រាលការខ្វះខាតរបស់បងប្អូនបានមួយរយៈផងដែរ។

ឯកឧត្តមអភិបាលខេត្ត បានណែនាំឱ្យអាជ្ញាធរមូលដ្ឋាន និងកម្លាំងពាក់ព័ន្ធ បន្តតាមដានស្ថានភាពទឹកជាប្រចាំ និងត្រៀមលក្ខណៈអន្តរាគមន៍គ្រប់ពេលវេលា ក្នុងករណីមានការកើនឡើងនៃកម្រិតទឹក ឬមានផលប៉ះពាល់ដល់ប្រជាពលរដ្ឋ ជាពិសេសយកចិត្តដាក់ខ្ពស់ទៅលើការងាររំដោះទឹក និងត្រូវរៀបចំត្រៀមកម្លាំងដើម្បីជួយដល់ប្រជាពលរដ្ឋ ក្នុងករណីចាំបាច់ណាមួយ។

ខេត្តកណ្តាលទទួលស្វាគមន៍គណៈប្រតិភូធុរកិច្ចចិនមកពីក្រុងវ៉ៃហ្វាង ខេត្តសានតុង ដើម្បីសិក្សា និងស្វែងរកឱកាសវិនិយោគ

ឯកឧត្តម នុត ពុធដារ៉ា អភិបាលរងខេត្តកណ្ដាល សម្តែងនូវកិច្ចស្វាគមន៍យ៉ាងកក់ក្តៅចំពោះវត្តមានគណៈប្រតិភូវិនិយោគិន នៃសាធារណរដ្ឋប្រជាមានិតចិន ដែលបានអញ្ជើញមកដល់ខេត្តកណ្តាល ដើម្បីធ្វើដំណើរទស្សនកិច្ចសិក្សាស្វែងយល់រកឱកាសវិនិយោគក្នុងភូមិសាស្ត្រខេត្តកណ្តាលនាពេលនេះ ហើយខេត្តកណ្តាល ជាខេត្តយុទ្ធសាស្ត្រដ៏មានសារៈសំខាន់បំផុតមួយ នៃព្រះរាជាណាចក្រកម្ពុជា មានភូមិសាស្ត្រព័ទ្ធជុំវិញរាជធានីភ្នំពេញ មានផ្ទៃដីសរុប ៣ ២៧៨.៤៨ គីឡូម៉ែត្រក្រឡា ផ្លូវជាតិ ឆ្លងកាត់ខេត្ត ចំនួន០៧ខ្សែ បន្ថែមពីលើផ្លូវជាតិ ខេត្តកណ្តាលក៏នៅមានខ្សែផ្លូវសំខាន់ៗ មួយចំនួនទៀតឆ្លងកាត់ មានជាអាទិ៍ ផ្លូវល្បឿនលឿនភ្នំពេញ-ព្រះសីហនុ ផ្លូវល្បឿនលឿន កណ្តាល-បាវិត (ភ្ជាប់ព្រំដែនវៀតណាម) និងផ្លូវក្រវ៉ាត់ក្រុងទី៣ (ដែលថ្មីៗនេះទើបបានប្រសិទ្ធ នាមថា “មហាវិថីស៊ីជីនពីងៗ)។